Dr.Nan Di

21/01/2026

မြန်မာနိုင်ငံမှာ Child Safeguarding Law (ကလေးသူငယ်ကာကွယ်ရေးဥပဒေ) ကို Rights of the Child (CRC) နှင့် ကိုက်ညီစေရန် ၂၀၁၉ တွင် ရညရေးဆွဲထားပြီး ၁၉၉၃ ခုနှစ်တွင် ပြဋ္ဌာန်းခဲ့သော ကလေးသူငယ်ဥပဒေကို အစားထိုးခဲ့ပါတယ်

ဒီဥပဒေမှာ တားမြစ်ထားတဲ့အချက်တွေကတော့ ကလေးသူငယ်များကို
• ကိုယ်ထိလက်ရောက် အကြမ်းဖက်ခြင်း
• စိတ်ပိုင်းဆိုင်ရာ အနိုင်ကျင့်ခြင်း
• လိင်ပိုင်းဆိုင်ရာ ထိခိုက်စေခြင်း
• ကလေးလုပ်သားအဖြစ် အလုပ်ခိုင်းစေခြင်း
• စောင့်ရှောက်မှုမရှိဘဲ လစ်လျူရှုထားခြင်း
• ကလေးကို အန္တရာယ်ရှိတဲ့ လုပ်ငန်းများမှာ ပါဝင်ခြင်း
စတာတွေပဲဖြစ်ပါတယ်

ဘယ်အရာတွေက ဥပဒေနဲ့ ညီလဲ ဥပဒေနဲ့ ဆန့်ကျင်လဲဆိုတာ မသိနိုင်ကြတော့ဘူး 😔

14/01/2026

💎"အဖိုးတန်တဲ့ မိန်းမ"💎
==================

မိန်းမတစ်ယောက်ရဲ့
တန်ဖိုးဆိုတာ...
ရုပ်ရည်မဟုတ်ပါဘူး။

အရှက်သိက္ခာနဲ့ ကိုယ်ကျင့်သီလကို
အသက်ထက် တန်ဖိုးထားတာကို
ဆိုလိုတာပါ။

တန်ဖိုးကြီးတဲ့ ပစ္စည်းကို
လူတိုင်းက လိုချင်ကြပေမယ့်
လူတိုင်း ဝယ်မသုံးနိုင်ပါဘူး။

ဒီလိုပါပဲ။
ချောမောလှပတဲ့
မိန်းကလေးတစ်ယောက်ကို
လူတိုင်းက လိုက်စချင်ပေမယ့်
အရှက် သိက္ခာရှိတဲ့
မိန်းမကောင်းဖြစ်နေရင်
လူတိုင်းက လိုက်မစရဲတော့ပါ။

ဈေးပေါတဲ့ပစ္စည်းဆိုတာ
လှလှမလှလှ
အသုံးခံသည်ဖြစ်စေ
မခံသည်ဖြစ်စေ
လတ်တလော အဆင်ပြေစေဖို့
အတွက်
လူတိုင်းက မနှစ်သက်ကြပေမယ့်
လူတိုင်း
ဝယ်သုံးနိုင်တဲ့ ဈေးနှုန်းဖြစ်နေလို့
လူတန်းစား မရွေး
ဝယ်သုံးလေ့ ရှိပါတယ်။

ထို့အတူ
ဈေးပေါတဲ့ မိန်းမတွေဆိုတာ
ရုပ်လှနေမှ မဟုတ်ပါဘူး။
မိန်းမကောင်း တစ်ယောက်ရဲ့
အဆင်းအင်္ဂါရပ်နဲ့ မညီပဲ
ကိုယ့်ကျင့်တရားဖောက်ပြားနေရင်
လူတန်းစား အရွယ်မရွေး
အနားကိုလာကပ်ခံရမှာပါပဲ။
အပျော်သုံးပေါ့

တကယ်တော့
လူတန်းစား အရွယ်မရွေး
အိမ်ထောင်သည်တွေကအစ
လိုက်စရဲတယ်ဆိုတာ
ဂုဏ်ယူစရာ မဟုတ်ပါဘူး။

ကိုယ်က အပေါစားဆန်လွန်းလို့
သိက္ခာမဲ့လွန်းလို့ ပါ

ဒါကြောင့်
လူတန်းစား အရွယ်မရွေး
အနားကပ်ခံနေရပြီဆိုရင်
ငါ အရမ်းချောလှနေလို့လား လို့
တွေးမယ့်အစား
ငါ အပေါစားဆန်နေလို့လား လို့
အရင်တွေးကြည့်လိုက်ပါ။

လူတကာ ချဉ်းကပ်ရဲတဲ့
မိန်းမ ဖြစ်နေဖို့ထက်
လူတကာ မချဉ်းကပ်ရဲတဲ့
သိက္ခာရှိ ကိုယ်ကျင့်တရားကောင်းမွန်တဲ့
မိန်းမ ဖြစ်နေဖို့ပဲလိုတယ်

12/01/2026

2019 မှစလို့ ဒီ ၆ နှစ်တာဖြတ်သန်းခဲ့တာလေးပါ

၂၀၁၉ ခုနှစ်ကမှ စလို့ ဘဝမှာ ကောင်းခြင်းတွေပဲ ရောက်လာခဲ့တယ်
မကောင်းတဲ့ အငွေ့အသက်တွေ ကံဆိုးခြင်းတွေ အမှောင်တွေနဲ့ ကိုယ့်အပေါ်မကောင်းကြံမယ့်သူတွေရန်မှ ဝေးပြီး တစတစ blooming ဖြစ်ခဲ့ရတယ်
မိတ်ဆွေသစ်တွေ
အခွင့်အလမ်းသစ်တွေ
အတွေ့အကြုံသစ်တွေ နဲ့ ကောင်းခြင်း ပေါင်းများစွာ ရောက်ရှိဖို့ အစပြုတဲ့နှစ်လို့ပြောလို့ရပါတယ်

ဒီလို တစတစ ပြောင်းလဲဖို့

ပထမဆုံးကိုယ့်ကိုကိုယ်ချစ်ပေးပါ
ကိုယ့်ကိုကိုယ်တန်ဖိုးထားပါ
ကိုယ့်ကိုကိုယ် အမြဲတောက်ပအောင်နေပါ
Positive mindset ကိုမွေးမြူပါ
Confidence ရှိပါစေ

ကိုယ်ကိုတိုင်ပြောင်းလဲခြင်းမှစ ပတ်ဝန်းကျင်ကောင်း နဲ့ စစ်မှန်တဲ့အပေါင်းအသင်းကောင်းတွေ က အလိုလိုရောက်ရှိလာပါလိမ့်မယ်

ပတ်ဝန်းကျင်ကောင်းကို တန်ဖိုးထားပြီး ဆက်ဆံရေးကောင်းတဲ့သူတယောက် အဖြစ် ရပ်တည်ပါ

တယောက်တည်းတောက်ပတယ်ဆိုတာ လှတယ်ဆိုပေမယ့် ပြည့်စုံဖို့ခက်ပါတယ်
ကောင်းမွန်တဲ့ပတ်ဝန်းကျင်
မိတ်ဆွေကောင်း
စစ်မှန်တဲ့လက်တွဲဖော် နဲ့ဝန်းရံတဲ့အခါ

ဘဝရဲ့နေ့ရက်တိုင်းက တန်ဖိုးအလွန်ရှိလှပါတယ်

12/01/2026

🌺ဓမ္မတာချိန်မှစိတ်အခြေအနေ🌺

Premenstrual syndrome (PMS) လို့ အတိုကောက်ခေါ်တဲ့ ဓမ္မတာလာချိန်နှင့်လာခါနီးမှာ စိတ်အခြေ အနေ ပြောင်းလဲခြင်း နဲ့ မတည်ငြိမ်ခြင်းဟာ အမျိုးသမီးအများစုမှာ ဖြစ်ပေါ်လေ့ရှိပါတယ်။
တချို့က ဓမ္မတာ မလာခင် တပတ်အလိုမှာဖြစ်လေ့ရှိပြီး တချို့က ဓမ္မတာ လာချိန်မှာဖြစ်တတ်ပါတယ် အကြောင်းအရင်းတိတိပပ မရှိပဲ ရုတ်တရက် မိမိကိုယ်ကို ဒေါသထွက်ခြင်း စိတ်တိုခြင်း ပင်ပန်းနွမ်းလျခြင်းတို့ ဖြစ်လေ့ရှိပါတယ်

ဖြစ်လေ့ရှိတဲ့လက္ခဏာများကတော့
❗️ဝမ်းနည်းခြင်း
❗️စိတ်ပူပန်ခြင်း
❗️စိတ်ပင်ပန်းခြင်း
❗️ဒေါသထွက်ခြင်းတို့ဖြစ်ပါတယ်

PMS နဲ့ အလားတူ ဖြစ်ဆလ့ရှိတာကတော့ Premenstrual dysphoric disorder (PMDD) လို့ခေါ်တဲ့ ဓမ္မတာ နှင့် နှီးနွယ်ပြီး ဖြစ်လေ့ ရှိတဲ့ စိတ်ကျရောဂါပါ.. သူက PMS ထက်ပိုပြင်းထန်ပြီး နေ့စဥ်ဖြတ်သန်းရတဲ့ ဘဝကိုပါ ထိခိုက်မှုရှိစေပါတယ်
သုသေသနတခုရဲ့ တွေ့ရှိချက်အရ ၇၅ ရာနှုန်း အမျိုးသမီး များမှာ PMS ကိုတွေ့ရပြီး ၃ ရာနှုန်း မှ ၅ ရာနှုန်း အမျိုးသမီးများမှာသာ PMDD တွေ့ရပါတယ်

🌺 ဖြစ်ရခြင်းအကြောင်း

PMS ဖြစ်ရခြင်းဟာ ဟော်မှုန်းပြောင်းလဲမှုကြောင့်ဖြစ်ပြီး အမျိုးသမီးများ `မ´ မျိုးဥ ကြွေ ချိန် မှာ estrogen နှင့် progesterone ဟောမှုန်း များဟာ ထိုးကျလေ့ရှိပါသည် ထိုဟောမှုန်း အတက်အကျကြောင့် serotonin လို့ခေါ်တဲ့ စိတ်ကိုပြောင်းလဲ စေတဲ့ ဟော်မှုန်းကို သက်ရာက်စေခြင်းကြောင့် ဖြစ်ပါတယ်
serotonin ကျတဲ့အခါမှာ စိတ်ထိခိုက်လွယ်ခြင်း နဲ့ အစားအသောက်ပျက်ခြင်း တို့ပါဖြစ်စေပါတယ်

🌺How to solve this

တကယ်လို့ PMS/PMDD က ဆိုးရွားနေပြီ ဆိုရင် ဆရာဝန်နဲ့ သေချာတိုင်ပင်ဆွေးနွေးဖို့လိုပါတယ်
အဆိုးကြီးမဟုတ်သေးရင် ကိုယ့်ကိုကိုယ် ဂရုစိုက်ပြီးနေထိုင်စားသောက်မယ်ဆိုရင်တော့ သက်သာပျောက်ကင်းန်ိုင်ပါတယ်
မိမိရဲ့ ဓမ္မတာ လာချိန်ကို (period tracker) လို့ခေါ်တဲ့ phone software နဲ့မှတ်သားထားခြင်း ပြက္ခဒိန်မှာ မှတ်သားထားခြင်းတို့ပြုလုပ်ပြီး ဓမ္မတာ မလာခင်တပတ်အလိုမှာ
👉အစားအသောက်ဂရုစိုက်ရပါမယ်
🔹Calcium ကြွယ်ဝတဲ့ နို့ အမျိုးမျိုး ဒိန်ချဥ် ဒိန်ခဲ
🔹Vit C ပါတဲ့ အသီးအရွက် အမျိုးမျိုး
🔹Vit B6 ကြွယ်ဝ တဲ့ အစားအစာများဖြစ်တဲ့ အသားငါး အသီးအရွက် စတာတွေ ပိုပြီးစားပေးသင့်ပါတယ်
👉တနေ့ကို နာရီဝက်လောက် ကိုယ်လက်လှုပ်ရှားမှု လုပ်ပေးပါ
👉တနေ့ ၈ နာရီပြည့်အောင်အိပ်ပါ
👉ဖြစ်နိုင်ရင် ယောဂ ဆော့ပေးခြင်း တရားထိုင်ပေးခြင်း တို့ လုပ်ပေးခြင်း ကလည်း ရောဂါကို ပျောက်ကင်းရုံသာမက ကိုယ်နှင့်စိတ်ကျန်းမာရေးကိုလည်း သိသိသာသာ ရွှင်လန်းစေပါတယ်

🌺ရှောင်ရမှာတွေက
အချိုအငန် စတာတွေတော့လျော့စားသင့်ပါတယ်
လျော့ရုံပါ ရှောင်ခိုင်းတာတော့မဟူတ်ပါ ရှောင်လိုက်ရင်လည်း လိုအပ်တဲ့ ဓာတ်လျော့နည်းပီး ပိုဆိုးစေပါတယ်

🌺PMS ကြီးမှာ မှိုင်တွေ စိတ်ရှုပ်ပြီးဖြတ်သန်းမယ့်အစား အသက်ရှည်ကျန်းမာဖို့ ကိုယ့်ရဲ့ life style ကိုပြောင်းလဲ ပစ်ပြီးကိုယ့်ကိုကိုယ် ပိုချစ်ပေးကြရအောင်ပါ



ပထမဆုံး ခင်ဇော်page မှာရေးဖူးတဲ့ဆောင်းပါးလေပြန်ရှယ်ခြင်းပါ

12/01/2026

10/01/2026

🚫 အလှပြင်ပစ္စည်းတချို့တွင် တွေပါဝင်နေတတ်သော ကျန်းမာရေးကိုထိခိုက်စေသည့် အဆိပ်အတောက်များ🚫

လူသားတိုင်းလှချင်ကြပါတယ် လှပအောင်လည်းပြုပြင်နေထိုင်လို့ရသလို အလှကုန်ပစ္စည်းတွေကလည်း အမျိုးအမည်ပေါင်း မြောက်များစွာ မှာယူသုံးစွဲလို့ရနေပြီ❗️
သုသေသနတွေ့ရှိချက်တွေအရ ကျမတို့ အမျိုးသမီးအများစုဟာ တနေ့မှာ personal care product ၁၂ မျိုးလောက်ကို သုံးစွဲပြီး Chemical ပေါင်း ၁၆၈မျိုးနဲ့နေ့စဥ်ထိတွေ့နေတာပါ
အဲ့ဒီ Chemical တွေမှာ ကောင်းတာတွေပါသလို ကျန်းမာရေးကို ထိခိုက်စေနိုင်တာမျိုးတွေလည်းပါနိုင်ပါတယ်

ကျန်းမာရေးကို ထိခိုက်စေနိုင်တဲ့ Chemical ၁၂ မျိုးကို Dirty Dozen လို့ နာမည်ပေးထားပြီး အလှအပကြိုက်သူများသိအောင်မျှဝေပေးပါရစေ

1. BHA and BHT
Butylated Hydroxyanisole နဲ့ Butylated Hydroxytoluene ဖြစ်ပါတယ် သူတို့က များသောအားဖြင့် မိတ်ကပ်/နှုတ်ခမ်းနီ/roll on နဲ့ Moisturizer တွေမှာပါတတ်ပါတယ်
ကြာရှည်ခံအောင်လုပ်ထားတဲ့ ဒီ၂မျိုးဟာ ကြာရှည်စွာသုံးရင် အသဲကင်ဆာ၊ လည်ပင်းကြီးရောဂါနဲ့ ကျောက်ကပ်ရောဂါကို ဖြစ်စေနိုင်ပါတယ်

2. Coal Tar Dyes
ဒါကတော့ ဆံပင်ဆိုးဆေးတွေ နဲ့ တချို့ အလှပြင်ပစ္စည်းတွေမှာပါတတ်ပြီး ထိပါများရင် ကင်ဆာရောဂါဖြစ်စေနိုင်ပါတယ်

3. DEA
DEA က အမြုပ်ထွက်အားကောင်းတဲ့ ခေါင်းလျှော်ရည် conditioner နဲ့ ရေချိုးဆပ်ပြာ တွေမှာပါတတ်ပြီး toxic ဖြစ်တာကြောင့် ကြာရှည်သုံးရင် အရေပြားကင်ဆာ အဆုတ်ကင်ဆာ နဲ့ အသဲကင်ဆာကိုဖြစ်စေနိုင်ပါတယ်

4. Dibutyl Phthalate
DBP လို့ခေါ်ပြီး တချို့လက်သည်းဆိုးဆေး နဲ့ Hair Spray တွေမှာ အနံ့မွှေအောင်းထည့်လေ့ရှိပြီး မျိုးပွါးအင်္ဂါကို ထိခိုက်စေတာကြောင့် ကလေးမရတာမျိုးဖြစ်တတ်ပါတယ်

5. Formaldehyde ပါဝင်တဲ့ တာရှည်ခံဆေးများ
Formaldehyde ကိုတော့ လက်သည်းဆိုးဆေး၊ ဆံပင်ဆိုးဆေး၊ ဆံပင်ဖြောင့်ဆေး၊ မျက်တောင်တုတပ်ကော် နဲ့ တချို့ ခေါင်းလျှော်ရည်တွေမှာပါတတ်ပြီး တဖြေးဖြေး နဲ့ Immune ကိုကျစေပြီး သုံးပါများရင် ကင်ဆာရောဂါ ဖြစ်စေပါတယ်

6. Parabens
Paraben ကိုတော့ Bad boy ingredient လို့တောင်တင်စားခေါ်ပါတယ် အနည်းငယ်ပါဝင်ရုံနဲ့ ရောဂါဖြစ်စေတာကြောင့် product အများစုမှာ Paraben free လို့တောင် ရေးပြီးကြော်ငြာကြပါတယ်
Parabens ဟာ estrogens ပုံစံတူဖြစ်ပြီး အလှပြင်ပစ္စည်း နဲ့ skin care တွေမှာတောင် ထည့်တတ်ပါတယ် 🚫 အမျိုးသားတွေမှာ မျိုးပွါးအင်္ဂါကိုထိခိုက်စေပြီး အမျိုးသမီးတွေမှာရင်သားကင်ဆာကိုဖြစ်စေနိုင်ပါတယ်

7. Parfum
ဒါကတော့အမွှေးနံ့ နဲ့ရေမွှေးတွေမှာပါတတ်ပြီး ခေါင်းကိုက်ရုံနဲ့ ဓာတ်မတည့်ရုံပဲဖြစ်တတ်ပါတယ်

8.Petrolatum
Hair product တွေမှာပါတတ်ပြီးသူလည်းကြာရှည်သုံးရင် ကင်ဆာရောဂါဖြစ်နိုင်ပါတယ်

9. PEG
Petroleum based PEG က cream type cosmetic တွေမှာပါပြီး သူလည်းပဲကင်ဆာဖြစ်နိုင်ပါတယ်

10. Siloxanes
Ingredients မှာ Siloxane / Methicone ဆိုပြီးပါတတ်ပြီး မျိုးပွါးအင်္ဂါကို ထိခိုက်စေပါတယ်

11. Sodium Laureth Sulfate
Cleaner နဲ့ ရေချိုးအမြုပ်ထဆပ်ပြာရည်မှာပါဝင်ပြီး သူလည်း အလားတူ ကင်ဆာဖြစ်စေနိုင်ပါတယ်

12. Triclosan
သူကတော့ roll on နဲ့ အလှပြင်ပစ္စည်းတွေမှာပါတတ်ပြီး မျိုးပွါးအင်္ဂါကို ထိခိုက်စေတတ်ပါတယ်

ဒါတွေကတော့ ​အဆိပ်အတောက်ပါတဲ့ ဓာတုဓာတ်တွေဖြစ်ပြီး အချို့ အလှကုန် / Skin care နဲ့ Hair product တွေမှာပါဝင်တတ်ပါတယ်

အလှကြိုက်တဲ့ ကျမတို့တွေဟာ Chemical ပါတဲ့ product တွေတိုင်းကို ရှောင်ဖို့ဆိုတာတော့ မဖြစ်နိုင်ပါဘူး

‼️ ဒါဆိုရင်ဘာလုပ်ရမလဲ ‼️
👉ကိုယ်သုံးမယ့် ပစ္စည်းတွေမှာ ပါတဲ့ Ingredients ကို သေချာဖတ်ပါ ဒါမျိုးတွေပါနေလားဆိုတာ စစ်ကြည့်ပါ
👉 အလှကုန်ပစ္စည်း နဲ့ personal care product တွေမှာ FDA က approved ပေးပြီး safe ဖြစ်ကြောင်း certified လုပ်ထားတဲ့ စာမျိုးပါတာကိုရွေးဝယ်ပါ
Dermatologist approved/ Non toxic/Safe စသဖြင့်ရေး ထားတတ်ပါတယ်
👉 မလိုအပ်ပဲ မိတ်ကပ်လိမ်းတာမျိုးရှောင်ပြီး ညဘက် အိပ်ရင် မိတ်ကပ်ဖျက် မျက်နှာသစ်ပြီးအိပ်ပါ
👉 နောက်တခု ကိုယ်သုံးတဲ့ skin care နဲ့ cosmetic brand ကိုစစ်ဆေးချင်ရင် Environmental Working Group (EWG) ရဲ့ Website ကနေ Brand ကိုရိုက်နှိပ်ပြီး ဘယ်လောက် safe ဖြစ်လဲရှာကြည့်လို့ရပါတယ်

Here is a link
👇
https://www.ewg.org/skindeep/

လှအောင်နေပါ
ဘေးကင်းတဲ့ product ကိုရွေးချယ်ပါ


Reference:
https://davidsuzuki.org/queen-of-green/dirty-dozen-cosmetic-chemicals-avoid/

09/01/2026

🤲🏻 လက်မှာ အဆီအမြဲထွက်တာ စိုးရိမ်ရလား 🤲🏻

✋ တခြားနေရာတွေမှာ ချွေးမထွက်ပဲ လက်ဖဝါး နဲ့ ခြေဖဝါး မှာပဲ ကွက်ပြီး ချွေးထွက်တတ်တဲ့ ကိုယ်လို ဘဝတူတွေရှိကြလား

တကိုယ်လုံးဘာချွေးမှမထွက်ပဲ လက်ဖဝါး နဲ့ ခြေဖဝါးနှစ်ဖက်ပဲ ကွက်ပြီးချွေးထွက်ခြင်းကို ဆေးပညာ အခေါ်အဝေါ်ရ
❗️Palmoplanter Hyperhidrosis ❗️လို့ခေါ်ပါတယ်

ဒါက စိုးရိမ်ရလား ကျန်းမာရေး ပြသနာ တခုခုလား ဆိုရင်တော့

💕မဟုတ်ပါဘူး ဘာရောဂါ နဲ့ မှ ဆက်စပ်ခြင်းမရှိသလို ကျန်းမာရေးပြသနာလည်းမဟုတ်ပါဘူး

ဒီလက္ခဏာက ဖြစ်တဲ့သူတွေမှာဆိုရင် ကလေးဘဝ ထဲကစတာမျိုးဖြစ်ပါတယ်
⚠️ထိန်းချုပ်လို့မရဘူး
⚠️ပုံမှန်အချိန်လည်း ထွက်နိုင်သလို

👉စိတ်လှုပ်ရှားတာမျိုး ဥပမာ စာမေးပွဲ ခန်းထဲ တို့ Interview ခန်းထဲဝင်ရတဲ့ အခါမှာ ပိုပြီးသိသိသာသာ ထွက်လေ့ရှိပါတယ်

လက်ဖဝါး ဖြေဖဝါး တင်မကပဲ တကိုယ်လုံးချွေးအလွန်အမင်းထွက်တာဆိုရင်တော့ ပုံမှန်မဟုတ်တဲ့အတွက် ဆရာဝန်နဲ့ပြသ စစ်ဆေးဖို့လိုပါတယ်

Palmoplanter Hyperhidrosis က စိုးရိမ်စရာ မရှိဘူးဆိုပေမယ့် နေ့စဉ်လူမှုဘဝမှာ ဒီပြသနာက အနည်းနဲ့အများတော့ အနှောက်အယှက်ဖြစ်စေတာအမှန်ပါ

ဒီပြသနာကို ကုသတဲ့နည်းကတော့

၁။ ပြင်ပအနေနဲ့ Aluminum Chloride ပါတဲ့လိမ်းဆေးလိမ်းလို့ရပါတယ် Aluminum Chloride က ချွေးဂလင်းတွေကို ပိတ်ပေးတာမျိုး ချွေးထွက်ခြင်းကို နည်းစေတာမျိုး လုပ်ပေးပါတယ်

၂။ နောက်မျိုးကတော့ Botox ထိုးခြင်းပါ
Aesthetic ဆေးခန်းတွေမှာထိုးလို့ရပါတယ်

၃။ နောက်ဆုံးကတော့ Surgery လုပ်ခြင်းပဲဖြစ်ပါတယ်

❤️ပုံမှန်သဘောတရားအရကတော့ social life မှာနေတတ်တယ်ဆိုရင် ကြီးကြီးမားမာ ဘာပြသနာမှရှိမနေတာမို့ ကိုယ်နဲ့ ဘဝ တူတွေ အတွက်မျှဝေလိုက်ခြင်းဖြစ်ပါတယ် ❤️



#လက်ဆီထွက်ခြင်း

08/01/2026

Credit post

မှောက်သွားတဲ့ ကော်ဖီတစ်ခွက်
ဘယ်သူမှ လျှာနဲ့ မလျက်ဘူး ၊
အသစ်တစ်ခွက် မှာရင် မှာမယ် ၊
သူ့မှာ အနံ့ အရသာ အပြင်အဆင်
တန်ဖိုးကြီးပင် ညားသော်လည်းပဲ ၊
ကြမ်းပြင်ပေါ်မှာ ဖိတ်ကျသွားရင်
နှမျောတသပဲ ဖြစ်ကြမှာ ၊
လျှာနဲ့တော့ မလျက်ပါဘူး ၊
အခုအခါမှာ သူက တန်ဖိုးမဲ့သွားပြီလေ ၊
ဒီလိုပဲ
လူတစ်ယောက်ဟာ
အဆင့်အတန်းကြီးမားပါသော်လည်း
ပညာဉာဏ်ပြည့်ဝပါသော်လည်း
ရုပ်ရှည်ချောမောပါသော်လည်း
ကိုယ်ကျင့်တရား ချို့ယွင်းသွားရင်
ဘယ်သူမှ ပေါင်းသင်းချင်မှာ မဟုတ်တော့ဘူး ၊
ကိုယ်ကျင့်တရား မကောင်းတာ တစ်ချက်တည်းနဲ့
ဂုဏ်ပုဒ်များစွာဟာ မြောင်းထဲကျသွားခဲ့ပြီ ၊
စောစောက ကော်ဖီတစ်ခွက်လိုပဲ
အနံ့ အရသာတွေ စျေးကြီးတာတွေ
အပြင်အဆင်ကောင်းတာတွေဟာ ၊
ကြမ်းပြင်ပေါ် မှောက်သွားတဲ့အခါ တန်ဖိုးမဲ့သွားသလိုပေါ့ ။

07/01/2026

🥚ကြက်ဥ အစိမ်းနဲ့ Egg White Injury 🥚

💟ကြက်ဥ ကို အစိမ်းစားလို့ရလား

အစိမ်းစား ရင်ရော အာနိသင်တူတူပဲလားလို့တော်တော်များများကမေးကြတယ်

ယေဘူယျအားဖြင့်တော့ ပါတဲ့ အာနိသင်တွေက တူတူပါပဲ
ချက်ခြင်း အားဖြစ်စေတယ်ဆိုပြီး အစိမ်းအတိုင်း တချို့ကသောက်ကြပါတယ်

💟ဒါပေမယ့် ကြက်ဥအစိမ်း စားတာများလာတဲ့အခါ Biotin နည်းတဲ့ လက္ခတွေဖြစ်တဲ့
🔅ဆံပင်တွေ ကျွတ်လာတယ်
🔅အသားအရည်တွေ ခြောက်လာတယ်
🔅ကြွက်သားဆုံးရှုံးမှုတွေဖြစ်လာတယ်

❗️ဒါကို Egg White Injury လို့ခေါ်ပါတယ် ❗️

ဘာကြောင့်လဲဆိုရင်

မချက်ထားတဲ့ကြက်ဥအကာမှာ AVIDIN ဆိုတဲ့ Protein ပါတယ် (Overall protein ရဲ့ 10%) က AVIDIN ဖြစ်ပါတယ်
AVIDIN တခုကို Biotin molecules ၄ ခုက သွားကပ်တယ်

AVIDIN က ကြက်ဥမှာပါတဲ့ Biotin ကိုပဲဆွဲတာမဟုတ်ဘူး ကျမ တို့တခြားအစားအစာတွေကနေ ရတဲ့ Biotin ကိုပါ ဆွဲယူပါတယ်

❕AVIDIN Biotin Complex က အရမ်းခိုင်မာတယ်
အူနံရံတွေကနေ အစာဖြစ်စုပ်ယူလို့ မရအောင်ကို ကြီးပြီးခိုင်မာတယ်

မစုပ်ယူနိုင်တဲ့ AB complex ကို အညစ်အကြေးအနေ နဲ့ ခန္ဓာကိုယ်ကနေပြန်စွန့်ထုတ်သွားတယ်

အဲ့တော့ စားသမျှ တခြားအစာအစာတွေက ရတဲ့ Biotin တွေက AVIDIN နဲ့တွေတဲ့အခါ အူနံရံကစုပ်ယူခွင့်မရတော့ဘူး

ဒါပေမယ့်ကြက်ဥ ကို ပြုတ် တာဖြစ်ဖြစ်ကြော်တာဖြစ်ဖြစ် ပြုလုပ်လိုက်တဲ့အခါမှာ AVIDIN က ပျက်စီးသွားတယ် အဲ့တော့ Biotin ကို မစုပ်နိုင်တော့ဘူး

ဒါကြောင့် အစိမ်းထက် ချက်ပြီးစားတာက အသင့်တော်ဆုံးနဲ့ အန္တရယ်ကင်းပါတယ်

AVIDINက အကာမှာပါတဲ့အတွက် အနှစ်ကြက်တာ မကြိုက်သူတွေအတွက် အကာကိုကြက်အောင် ချက်ဖို့လိုပါတယ်

Biotin ဆုံးရှုံးမှုကတော့ နောက်မှပေါ့နော်

❗️ကြက်ဥ အစိမ်း က အခန့်မသင့် Salmonella ဆိုတဲ့ bacteria ပိုးပါတတ်ပါတယ် ❗️

🚫ဝမ်းပျက်တာ
🚫ဝမ်းလျောတာ
🚫အစာအဆိပ်သင့်ပြီး
🚫ဖျားနာတာ မျိုး အခန့်မသင့်ရင် ဖြစ်တတ်လို့ ကြက်ဥ ကို အစိမ်းမစားပဲ ချက်ပြုတ်ကြော်လှော်ပြီးမှ စားဖို့အကြံပေးပါရစေ

07/01/2026

"ပေးတဲ့လက်ပဲဖြစ်ချင်တဲ့ လူမျိုးပါ
တစ်ခုခုဆို ငါဘာလုပ်ပေးနိုင်လဲ
ဆိုတာပဲ တွေးပြီး လုပ်ပေးနိုင်တာဆို
လုပ်ပေးလိုက်တယ်။

လူတစ်ဦးကို ချစ်တာပဲဖြစ်ဖြစ်
ခင်မင်တာပဲဖြစ်ဖြစ် သူတို့ဆီကနေ
ငါဘာရမလဲဆိုတဲ့ စိတ်မျိုး မရှိဘူး။
ငါ့ဖက်က ဘာပေးနိုင်မလဲဆိုတာပဲ
စဉ်းစားပါတယ်။

မိသားစုမှာဖြစ်ဖြစ် ပေါင်းသင်းဆက်ဆံရေး
မှာဖြစ်ဖြစ် သူတို့လိုအပ်လာချိန် ငါဘာ
ကူညီပေးနိုင်မလဲပဲ အမြဲတွေးထားတယ်။

ကူညီပြီးရင် တစ်ဖက်လူဆီက ဘာပြန်ရမလဲလို့
မမျှော်လင့်တတ်ဘူး။

ငါအကောင်းဆုံး ကူညီပေးလိုက်နိုင်တယ်။
တစ်ဖက်မှာလည်း အဆင်ပြေသွားတယ် ဆိုရင်
ရပါပြီ ။
ကိုယ့်စေတနာကို အသိအမှတ်ပြုခြင်း၊
မပြုခြင်းတွေ ၊ ကိုယ်မတွေးဘူး ။

အဓိက က ကိုယ်သည်
စေတနာသန့်သန့်နဲ့ ဖြူစင်သော မေတ္တာများဖြင့်သာ
ကူညီပေးကမ်းနိုင်ဖို့ကိုပဲ အမြဲရှေးရှုထားသည်။

ပေးကမ်းနိုင်သော လက်တစ်စုံအဖြစ်နဲ့
အမြဲကြိုးစားရှင်သန်နေပါမယ်။

03/01/2026

Apple Intelligence က တကယ်ရော အသုံးဝင်ရဲ့လား
iPad မှာဆို M1 M2 M3 M4 / iPad mini ဆို A17pro
Mac ဆိုရင် M1 M2 M3 M4 မှာ အသုံးပြုလို့ရပါတယ်

31/12/2025

ရင်ဆိုင်ပါ ထွက်မပြေးနဲ့
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎

ရင်ဆိုင်ပါ
အခက်အခဲတွေနဲ့ တွေ့တဲ့အခါ...
နောင်တစ်ချိန်မှာ ကိုယ်ဘယ်လို အခက်အခဲတွေကို ရင်ဆိုင်ခဲ့ဖူးကြောင်း ပြောပြနိုင်တာပေါ့...။

အနိုင်ယူပါ
အခက်အခဲတွေနဲ့ ရင်ဆိုင်ရတဲ့အခါ... နောင်တစ်ချိန်မှာ အခက်အခဲတွေကို ဘယ်လိုနည်းနဲ့ အနိုင်ယူခဲ့ဖူးကြောင်း ပြောပြနိုင်တာပေါ့...။

တည်ဆောက်ပါ
အခက်အခဲတွေကြောင့် ဘဝပျက်ရတဲ့အခါ... နောင်တစ်ချိန်မှာ
တစ်စစီ ပြန့်ကျဲနေတဲ့ ကျိုးကြေမွနေတဲ့ ကိုယ့်ရည်မှန်းချက်တွေကို ဘယ်လိုပြန်လည် တည်ဆောက်ခဲ့ရကြောင်း ပြောပြနိုင်တာပေါ့...။

စိတ်အားတင်းပါ
ကိုယ့်အင် ကိုယ့်အားနဲ့ ကိုယ့်ဘဝကို
ကိုယ်တစ်ယောက်ထဲ ထူမတ်ရတဲ့ အခါ... နောင်တစ်ချိန်မှာ ပြိုလဲတော့မယ့် ကိုယ့် စိတ်ဓါတ်ကို ဘယ်လို အားမွေးခဲ့ရကြောင်း ပြောပြနိုင်တာပေါ့...။

ကိုယ့်ခြေထောက်အပေါ် မတ်မတ်ရပ်ပြီး... ကိုယ့်နှာခေါင်းနဲ့ အသက်ရှူ ရတဲ့ ဘဝကိုမြတ်နိုးပါ။
ကိုယ်တိုင် တည်ဆောက်ထားတဲ့ ဘဝက ဘယ်လောက်ပဲ သေးငယ်နေပါစေ ဂုဏ်ယူပါ...။

ကိုယ်စွမ်းနိုင်သလောက်ရခဲ့တဲ့
ပိုင်ဆိုင်မှုအပေါ် ရောင့်ရဲ တင်းတိမ်ပါ...။

မျှော်လင့်ချက်ဆိုတဲ့ သစ်ပင်ကို စိုက်ပါ
အားငယ်စိတ်ဆိုတဲ့ ဆူးကို နှုတ်ပစ်ပါ
စိတ်ဓါတ်ခွန်အား ဖြစ်စေမယ့် ဗဟုသုတတွေကို မှီဝဲပါ။

ကျွန်တော်တို့ ဘဝရဲ့ နေ့ရက်တိုင်းကို
နောင်တ ကင်းဝေးစွာနဲ့ ဖြတ်သန်းပါ...၊၊

#𝐂𝐫𝐞𝐝𝐢𝐭