Your Health Navigator - ထိုင်းအိန္ဒိယကျန်းမာရေးဝန်ဆောင်မှူ

Your Health Navigator - ထိုင်းအိန္ဒိယကျန်းမာရေးဝန်ဆောင်မှူ ข้อมูลการติดต่อ, แผนที่และเส้นทาง,แบบฟอร์มการติดต่อ,เวลาเปิดและปิด, การบริการ,การให้คะแนนความพอใจในการบริการ,รูปภาพทั้งหมด,วิดีโอทั้งหมดและข่าวสารจาก Your Health Navigator - ထိုင်းအိန္ဒိယကျန်းမာရေးဝန်ဆောင်မှူ, การแพทย์และสุขภาพ, Bangkok.

🏥 UK Registered ဆရာဝန် ကိုယ်တိုင်ဦးဆောင်သော Your Health Navigator
✅ ထိုင်းနှင့် အိန္ဒိယ ဆေးရုံကြီးများသို့ ချိတ်ဆက်ပေးခြင်း
✅ Medical Review နှင့် ဝန်ဆောင်မှုအားလုံး (Service Fee ၁၀၀% အခမဲ့)
📞 +66645896632 | Line: hazzahmue96

အသည်းကင်ဆာကို “ခွဲစိတ်လို့မရဘူး” လို့ပြောခံရရင်…“ကုသစရာမရှိတော့ဘူး” လို့ အဓိပ္ပါယ်ရသလား?အမြဲတမ်းတော့ မဟုတ်ပါဘူး။လူနာရဲ့ ...
03/09/2026

အသည်းကင်ဆာကို “ခွဲစိတ်လို့မရဘူး” လို့ပြောခံရရင်…

“ကုသစရာမရှိတော့ဘူး” လို့ အဓိပ္ပါယ်ရသလား?

အမြဲတမ်းတော့ မဟုတ်ပါဘူး။

လူနာရဲ့ အကျိတ်တည်နေရာ၊ အသည်းလုပ်ဆောင်ချက်နဲ့ ရောဂါပြန့်နှံ့မှုအခြေအနေ သင့်တော်ပါက Y-90 Radioembolization ဆိုတဲ့ ကုသမှုကို စဉ်းစားနိုင်ပါတယ်။

Y-90 ကို SIRT သို့မဟုတ် TARE လို့လည်းခေါ်ပါတယ်။

ဒီကုသမှုမှာ ဝမ်းဗိုက်ကိုခွဲစိတ်စရာမလိုဘဲ သေးငယ်တဲ့ Catheter ကို အများအားဖြင့် ပေါင်ခြံ သို့မဟုတ် လက်ကောက်ဝတ်သွေးကြောမှတစ်ဆင့် အသည်းအကျိတ်ဆီ သွေးပို့နေတဲ့သွေးကြောအထိ ရောက်အောင်ထည့်ပါတယ်။

အဲဒီနောက် Yttrium-90 ပါဝင်တဲ့ အလွန်သေးငယ်သော အမှုန်လေးတွေကို အကျိတ်ရှိရာသွေးကြောထဲ ပို့ပေးပါတယ်။

အမှုန်လေးတွေက အကျိတ်အနီးမှာ အဓိကစုဝေးပြီး Radiation ကို နေရာတိတိကျကျ ထုတ်ပေးတာကြောင့် ပတ်ဝန်းကျင်က ကျန်းမာတဲ့အသည်းဆဲလ်တွေကို တတ်နိုင်သမျှလျှော့ပြီး အကျိတ်ကိုဦးတည်ကုသနိုင်ပါတယ်။

ဘယ်လို Case တွေမှာ စဉ်းစားနိုင်သလဲ?

• အသည်းမှာစတင်ဖြစ်ပွားတဲ့ Primary Liver Cancer
• အူမကြီးကင်ဆာအပါအဝင် အခြားနေရာမှ အသည်းသို့ပြန့်လာတဲ့ကင်ဆာအချို့
• အကျိတ်တည်နေရာ သို့မဟုတ် အခြေအနေကြောင့် ခွဲစိတ်ဖယ်ရှားရန် မသင့်တော်တဲ့ Case အချို့
• အသည်းလုပ်ဆောင်ချက်က ကုသမှုခံနိုင်မယ့်အခြေအနေရှိသူများ

ဒါပေမဲ့ Y-90 ဟာ အသည်းကင်ဆာဖြစ်သူတိုင်းအတွက် သင့်တော်တာမဟုတ်သလို “တစ်ကြိမ်လုပ်ရုံနဲ့ လုံးဝပျောက်မယ်” ဆိုတဲ့ကုသမှုလည်း မဟုတ်ပါဘူး။

အဓိကရည်ရွယ်ချက်က လူနာတစ်ဦးချင်းစီရဲ့အခြေအနေအလိုက် အကျိတ်ကို ထိန်းချုပ်ခြင်း၊ သေးငယ်စေခြင်း သို့မဟုတ် ရောဂါတိုးတက်မှုနှေးကွေးစေခြင်းတို့ ဖြစ်နိုင်ပါတယ်။

ကုသမှုမတိုင်မီ—

• လတ်တလော Contrast CT သို့မဟုတ် MRI
• အသည်းနှင့် ကျောက်ကပ်လုပ်ဆောင်ချက် သွေးစစ်ချက်
• Pathology နှင့် Tumour Marker အဖြေများ
• အရင်ကခံယူထားသော ကုသမှုမှတ်တမ်း
• Planning Angiogram

တို့ကို စစ်ဆေးပြီး Liver Surgeon၊ Oncologist၊ Interventional Radiologist နဲ့ Nuclear Medicine အဖွဲ့တို့ ပါဝင်သုံးသပ်ဖို့လိုပါတယ်။

အသည်းကင်ဆာဖြစ်နေပြီး “ခွဲစိတ်လို့မရဘူး” လို့အကြံပြုခံထားရပါက ကုသမှုမရှိတော့ဘူးလို့ အလျင်စလိုမဆုံးဖြတ်ပါနဲ့။

ကိုယ့် Case မှာ Y-90၊ TACE၊ Ablation၊ Immunotherapy သို့မဟုတ် အခြားကုသမှု ဘယ်နည်းလမ်းသင့်တော်နိုင်လဲဆိုတာ Second Opinion တောင်းပြီးမှ ဆုံးဖြတ်သင့်ပါတယ်။

Dr. Myat Hmue Hmue
Founder — Your Health Navigator
GMC Full Registration with a Licence to Practise (UK)

📞 +66 64 589 6632
LINE • Viber • WhatsApp
🌐 yhnmedical.com

03/09/2026

နှလုံးအဆို့ရှင်လဲရမယ်ဆိုတိုင်း ရင်ခေါင်းဖွင့်ခွဲစိတ်စရာမလိုတော့ပါဘူး

သင့်တော်တဲ့လူနာတချို့မှာ ပေါင်ခြံသွေးကြောကနေတစ်ဆင့် အဆို့ရှင်အသစ်ထည့်ပေးနိုင်တဲ့ TAVI/TAVR ကုသမှုကို ရွေးချယ်နိုင်ပါတယ်။

ဒါပေမဲ့ လူတိုင်းအတွက်သင့်တော်တာမဟုတ်တဲ့အတွက် Echo၊ CT၊ အသက်အရွယ်၊ အဆို့ရှင်ဖွဲ့စည်းပုံနဲ့ ခွဲစိတ်မှုအန္တရာယ်တွေကို နှလုံးအထူးကုအဖွဲ့က စစ်ဆေးဆုံးဖြတ်ဖို့လိုပါတယ်။

နှလုံးအဆို့ရှင်ကျဉ်းနေတယ်လို့ အဖြေထွက်ထားပြီး ခွဲစိတ်ဖို့အကြံပေးခံထားရပါက ဆေးမှတ်တမ်းများပေးပို့ပြီး Second Opinion တောင်းနိုင်ပါတယ်။

📞 +66 64 589 6632
LINE • Viber • WhatsApp
🌐 yhnmedical.com

ဤအကြောင်းအရာသည် ကျန်းမာရေးအသိပညာပေးရန်သာဖြစ်ပြီး လူနာတစ်ဦးချင်းစီအတွက် အထူးကုဆရာဝန်၏ စစ်ဆေးဆုံးဖြတ်မှုလိုအပ်ပါသည်။

02/09/2026

👁️ ဒီအဆောက်အအုံတစ်လုံးလုံးက မျက်စိအတွက်ပဲဆိုတာ သိပါသလား?

Bangkok Eye Hospital ဟာ LASIK လုပ်ပေးတဲ့ Center တစ်ခုတည်းမဟုတ်ဘဲ မျက်စိရောဂါတွေကို သီးသန့်စစ်ဆေးကုသပေးနေတဲ့ မျက်စိအထူးကုဆေးရုံတစ်ရုံပါ။

LASER VISION ရဲ့ မျက်စိကုသမှုအတွေ့အကြုံ ၂၈ နှစ်ကျော်ကို အခြေခံထားပြီး အထူးကုဌာနခွဲ ၉ ခုနဲ့—

✅ မျက်စိအပြည့်အစုံစစ်ဆေးခြင်း
✅ အတွင်းတိမ်နှင့် Femto Laser အတွင်းတိမ်ခွဲစိတ်ခြင်း
✅ Retina၊ ဆီးချိုကြောင့် မျက်စိထိခိုက်ခြင်း
✅ ရေတိမ်နှင့် Cornea ရောဂါများ
✅ ကလေးမျက်စိပြဿနာများ
✅ မျက်ခွံနှင့် မျက်ရည်လမ်းကြောင်းပြဿနာများ
✅ SMILE Pro 2.0၊ FemtoLASIK နှင့် အခြားမျက်မှန်လွတ်ကုသမှုများ

ကို စစ်ဆေးကုသပေးနိုင်ပါတယ်။

AACI နိုင်ငံတကာအသိအမှတ်ပြုမှု ရရှိထားပြီး မျက်စိရောဂါအမျိုးအစားအလိုက် သက်ဆိုင်ရာ Specialist နဲ့ တိုက်ရိုက်ပြသနိုင်တာက အဓိကအားသာချက်ပါ။

ဒါပေမယ့် LASIK ဖြစ်စေ၊ အတွင်းတိမ်ခွဲစိတ်မှုဖြစ်စေ လူတိုင်းအတွက် ကုသမှုတစ်မျိုးတည်း မသင့်တော်ပါဘူး။ မျက်စိအခြေအနေ၊ အသက်၊ Cornea အထူနဲ့ ရွေးချယ်တဲ့နည်းပညာပေါ်မူတည်ပြီး Specialist က စစ်ဆေးဆုံးဖြတ်ပေးရပါတယ်။

Bangkok Eye Hospital မှာ—

🔹 သင့်တော်တဲ့ မျက်စိအထူးကုဆရာဝန် ရွေးချယ်ပေးခြင်း
🔹 Appointment ချိတ်ဆက်ပေးခြင်း
🔹 ကုသမှုအစီအစဉ်နှင့် လက်ရှိကုန်ကျစရိတ် မေးမြန်းပေးခြင်း
🔹 ဆေးရုံချိတ်ဆက်မှုနှင့် လူနာကူညီပံ့ပိုးမှု

တို့အတွက် Your Health Navigator ကို ဆက်သွယ်နိုင်ပါတယ်။

📞 +66 64 589 6632
LINE • Viber • WhatsApp

#မျက်စိအထူးကုဆေးရုံ

29/08/2026

ဒူးနာ၊ တင်ပါးနာလို့ လမ်းလျှောက်ရခက်တိုင်း
“ခွဲစိတ်ရတော့မယ်” လို့ မဆိုလိုပါဘူး။

အရေးကြီးဆုံးက ကိုယ့်အခြေအနေကို အဆစ်အထူးကုအဖွဲ့နဲ့ စနစ်တကျစစ်ဆေးပြီး သင့်တော်တဲ့ကုသမှုကို ရွေးချယ်ဖို့ပါ။

ဒီတစ်ခေါက်မှာတော့ YHN အနေနဲ့ Ladprao Hospital ရဲ့ “Active Joint Center” ဖွင့်ပွဲကို ကိုယ်တိုင်သွားရောက်လေ့လာခဲ့ပါတယ်။ Orthopedic Surgeon Asst. Prof. Dr. Wittawat Boonyanuwat နဲ့လည်း အဆစ်ကျန်းမာရေး၊ ကုသမှုရွေးချယ်ပုံနဲ့ လူနာတွေအတွက် သိထားသင့်တဲ့အချက်တွေကို ဆွေးနွေးခွင့်ရခဲ့ပါတယ်။

YHN က ဆေးရုံတစ်ခုကို အကြံပြုတဲ့အခါ ဆရာဝန်အဖွဲ့၊ ကုသမှုစနစ်နဲ့ လူနာအတွက်ရရှိမယ့် အကူအညီတွေကို ကိုယ်တိုင်လေ့လာပြီး ယုံကြည်စိတ်ချရတဲ့ အချက်အလက်တွေနဲ့ ချိတ်ဆက်ပေးနေပါတယ်။

ဒူးနာခြင်း၊ တင်ပါးနာခြင်း၊ လမ်းလျှောက်ရခက်ခြင်း သို့မဟုတ် အဆစ်ပြဿနာရှိနေပါက ဆေးမှတ်တမ်းနှင့် X-ray/MRI အဖြေများကို YHN သို့ ပေးပို့ပြီး ဆရာဝန်၏သုံးသပ်ချက်နှင့် Appointment အကူအညီ ရယူနိုင်ပါတယ်။

📞 +66 64 589 6632
LINE • Viber • WhatsApp
🌐 yhnmedical.com

🫁 အဆုတ်ရောင်ရောဂါက ဖြစ်ပြီးမှပဲ ကုလို့ရတာ မဟုတ်ပါဘူး။ပြင်းထန်တဲ့ Pneumococcal Infection ဖြစ်နိုင်ခြေကို ကာကွယ်ဆေးနဲ့ ကြိ...
28/08/2026

🫁 အဆုတ်ရောင်ရောဂါက ဖြစ်ပြီးမှပဲ ကုလို့ရတာ မဟုတ်ပါဘူး။

ပြင်းထန်တဲ့ Pneumococcal Infection ဖြစ်နိုင်ခြေကို ကာကွယ်ဆေးနဲ့ ကြိုတင်လျှော့ချနိုင်ပါတယ်။

ဒါပေမယ့် အရေးကြီးတဲ့အချက်တစ်ခုရှိပါတယ်။

“Pneumonia Vaccine” လို့ အလွယ်ခေါ်ကြပေမယ့် အဆုတ်ရောင်ရောဂါအားလုံးကို 100% ကာကွယ်ပေးတာ မဟုတ်ပါဘူး။

အဆုတ်ရောင်ရောဂါဟာ ဗိုင်းရပ်စ်၊ ဘက်တီးရီးယားနဲ့ အခြားပိုးအမျိုးမျိုးကြောင့် ဖြစ်နိုင်ပါတယ်။

Pneumococcal Vaccine ကတော့ Pneumococcus ဘက်တီးရီးယားကြောင့် ဖြစ်နိုင်တဲ့—

✅ ပြင်းထန်အဆုတ်ရောင်ရောဂါ
✅ သွေးထဲပိုးဝင်ခြင်း
✅ ဦးနှောက်အမြှေးရောင်ခြင်း

စတဲ့အန္တရာယ်တွေကို လျှော့ချပေးနိုင်ပါတယ်။

ဘယ်သူတွေ ဆရာဝန်နဲ့တိုင်ပင်သင့်လဲ?

🔹 အသက် 50 နှစ်နှင့်အထက်ရှိသူများ
🔹 အထူးသဖြင့် အသက် 65 နှစ်ကျော်သူများ
🔹 ဆီးချို၊ နှလုံး၊ အဆုတ်၊ ကျောက်ကပ်နဲ့ အသည်းရောဂါအခံရှိသူများ
🔹 ကိုယ်ခံအားနည်းသူများ
🔹 အရင်က Pneumonia မကြာခဏဖြစ်ဖူးသူများ
🔹 ဆေးလိပ်သောက်သူများ

ဘန်ကောက်မှာ ဘယ်လောက်ကုန်ကျနိုင်လဲ?

လက်ရှိ private hospital official online prices တွေအရ Vaccine အမျိုးအစားပေါ်မူတည်ပြီး—

💉 တစ်ကြိမ် 2,700–4,900 ဘတ်ဝန်းကျင်

ကျသင့်နိုင်ပါတယ်။

PCV20၊ PPSV23 စသဖြင့် ကာကွယ်ဆေးအမျိုးအစားမတူတာကြောင့် စျေးနှုန်းနဲ့ ထိုးရမယ့်အကြိမ်ရေ မတူနိုင်ပါဘူး။ အရင်ထိုးထားဖူးတဲ့ vaccine record၊ အသက်နဲ့ ရောဂါအခံတွေကို ဆရာဝန်က စစ်ဆေးပြီးမှ သင့်တော်တဲ့အမျိုးအစားကို ရွေးချယ်သင့်ပါတယ်။

Pneumonia အန္တရာယ်လျှော့ချဖို့—

✔️ Pneumococcal Vaccine သင့်မသင့် စစ်ဆေးပါ
✔️ တုပ်ကွေးနဲ့ COVID Vaccine များကို အချိန်မီထိုးပါ
✔️ ရောဂါအခံများကို စနစ်တကျထိန်းချုပ်ပါ
✔️ အသက်ရှူခက်ခြင်း၊ Oxygen ကျခြင်း သို့မဟုတ် သတိမကောင်းခြင်းရှိပါက အရေးပေါ်ဆေးရုံသွားပါ

မိဘတွေရဲ့ အသက်၊ ရောဂါအခံနဲ့ အရင်ထိုးထားတဲ့ Vaccine record ကို YHN သို့ပို့ပေးထားရင် ဘန်ကောက်ဆေးရုံများ၏ သင့်တော်သော Vaccine option၊ လက်ရှိစျေးနှုန်းနဲ့ Appointment ကို စစ်ဆေးပေးနိုင်ပါတယ်။

📌 အသက် 50 ကျော် မိဘတွေရှိရင် ဒီ Post ကို Save ထားပြီး မိသားစု Group ထဲ Share ပေးထားပါ။




26/08/2026

✈️ လေဆိပ်ဆင်းပြီး မိနစ် ၃၀ ခန့်နဲ့ ဆေးရုံရောက်နိုင်မယ်ဆိုရင်…

ဆေးကုဖို့လာတဲ့ လူနာနဲ့မိသားစုအတွက် ခရီးပန်းတာ၊ သွားလာရေးစီစဉ်ရတာနဲ့ အချိန်ကုန်တာတွေ တော်တော်လျော့သွားနိုင်ပါတယ်။

ဒီနေ့တော့ YHN ရဲ့ Partner Hospital တစ်ခုဖြစ်တဲ့ Phyathai Nawamin International Hospital ကို အထဲထိ လိုက်ကြည့်ရအောင်ပါ။

ဘန်ကောက်မြို့အရှေ့ဘက်မှာရှိပြီး Suvarnabhumi Airport ကနေ ကားနဲ့ မိနစ် ၃၀ ခန့်သာ သွားရတဲ့ဆေးရုံဖြစ်ပါတယ်။

ဆေးရုံထဲဝင်လိုက်တာနဲ့ မြင်ရမှာက—

🏥 ကျယ်ဝန်းပြီး သန့်ရှင်းတဲ့ Lobby နဲ့ စောင့်ဆိုင်းနေရာများ
🩻 Diagnostic Radiology ဌာန
👨‍⚕️ Surgery & Urology ဌာန
👶 ကလေးများအတွက် သီးသန့်စောင့်ဆိုင်းနေရာ
🛏️ လူနာနှင့်မိသားစု အဆင်ပြေစွာနေနိုင်မယ့် လူနာခန်းများ
🌏 နိုင်ငံခြားလူနာများအတွက် International Support Team

Phyathai Nawamin မှာ လူနာကုတင် ၂၀၀ နဲ့ Specialist Clinic ၄၂ ခုရှိတာကြောင့် ကျန်းမာရေးစစ်ဆေးမှုကနေ ရောဂါရှာဖွေခြင်း၊ အထူးကုဆရာဝန်ပြသခြင်းနဲ့ လိုအပ်တဲ့ကုသမှုတွေအထိ တစ်နေရာတည်းမှာ စီစဉ်နိုင်ပါတယ်။

ဒါပေမယ့် YHN က ဆေးရုံကို လေဆိပ်နီးလို့၊ လှလို့ဆိုပြီး လူနာတိုင်းအတွက် တစ်ပုံစံတည်းရွေးပေးတာ မဟုတ်ပါဘူး။

လူနာရဲ့ရောဂါအခြေအနေ၊ သင့်တော်တဲ့ Specialist၊ လိုအပ်တဲ့ကုသနည်း၊ Budget နဲ့ ခရီးသွားနိုင်မှုတွေကို ကြည့်ပြီးမှ ဆေးရုံနဲ့ဆရာဝန်ကို ချိတ်ဆက်ပေးတာပါ။

Medical Report ကြိုတင်ပို့ခြင်း၊ ဆရာဝန် Appointment၊ Doctor Opinion၊ Cost Estimate၊ Translator နဲ့ ဆေးရုံသွားလာရေးအတွက် YHN မှတစ်ဆင့် စီစဉ်တိုင်ပင်နိုင်ပါတယ်။

📞 +66 64 589 6632
Phone • LINE • Viber • WhatsApp
🌐 yhnmedical.com

နောက် Video မှာ Phyathai Nawamin ရဲ့ ဘယ်ဌာနကို အသေးစိတ်ကြည့်ချင်ပါသလဲ?

① Surgery & Urology
② Health Check-up
③ Diagnostic Imaging
④ လူနာခန်းနှင့်ဝန်ဆောင်မှု

သိချင်တဲ့နံပါတ်ကို Comment မှာရေးခဲ့ပါဦး။

#ဘန်ကောက်ဆေးရုံ #ထိုင်းနိုင်ငံဆေးကုသမှု

🏥 နာမည်ကြီးဆေးရုံကို ရွေးလိုက်ရုံနဲ့ အကောင်းဆုံးကုသမှုကို ရပြီလား?အဖြေက—မသေချာသေးပါဘူး။ဆေးရုံကြီးတာ၊ စက်ကိရိယာအသစ်တွေရှိ...
25/08/2026

🏥 နာမည်ကြီးဆေးရုံကို ရွေးလိုက်ရုံနဲ့ အကောင်းဆုံးကုသမှုကို ရပြီလား?

အဖြေက—မသေချာသေးပါဘူး။

ဆေးရုံကြီးတာ၊ စက်ကိရိယာအသစ်တွေရှိတာနဲ့ နိုင်ငံတကာအသိအမှတ်ပြုမှုရှိတာတွေက အရေးကြီးပါတယ်။

ဒါပေမယ့် ပထမဆုံးမေးသင့်တာက—

“ဒီဆေးရုံက နာမည်ဘယ်လောက်ကြီးလဲ?” မဟုတ်ပါဘူး။

“ကိုယ့်ရောဂါကို အမြဲကုသနေတဲ့ ကျွမ်းကျင်တဲ့အထူးကုဆရာဝန် ရှိသလား?” ဆိုတာပါ။

ဆေးရုံတစ်ခုက နှလုံးရောဂါကုသမှုမှာ နာမည်ကြီးနိုင်ပေမယ့် ကင်ဆာ၊ အရိုးအဆစ်၊ ဦးနှောက်နဲ့ အခြားဌာနအားလုံးမှာ တစ်ပြိုင်တည်း အကောင်းဆုံးဖြစ်မနေပါဘူး။

ဌာနတစ်ခုတည်းမှာတောင် ဆရာဝန်တွေရဲ့ အထူးကျွမ်းကျင်မှုက မတူနိုင်ပါဘူး။

ဥပမာ—

▪️ ဒူးခွဲစိတ်ဖို့ဆိုရင် အရိုးအထူးကုဆရာဝန်ဖြစ်ရုံမက ဒူးအစားထိုးခွဲစိတ်မှုကို ပုံမှန်လုပ်ဆောင်နေတဲ့ ဆရာဝန်ဖြစ်ဖို့လိုပါတယ်။

▪️ ကင်ဆာဆိုရင် ကင်ဆာအမျိုးအစားနဲ့ အဆင့်ပေါ်မူတည်ပြီး ခွဲစိတ်ဆရာဝန်၊ ဆေးသွင်းအထူးကုနဲ့ ဓာတ်ရောင်ခြည်အထူးကုတို့ ပူးပေါင်းဆွေးနွေးနိုင်တဲ့ Team ရှိဖို့ အရေးကြီးပါတယ်။

▪️ ကလေးဦးနှောက်အာရုံကြောပြဿနာဆိုရင် လူကြီးဦးနှောက်အထူးကုထက် ကလေးဦးနှောက်အာရုံကြောအထူးကုကို ရွေးချယ်ဖို့လိုပါတယ်။

ဒါကြောင့် ဆေးရုံမရွေးခင် ဒီအချက် ၅ ချက်ကို စစ်ဆေးပါ။

1️⃣ ကိုယ့်ရောဂါနဲ့ တိုက်ရိုက်ကိုက်ညီတဲ့ Specialist ရှိသလား?

2️⃣ အဲဒီဆရာဝန်နဲ့ ဆေးရုံ Team က လိုအပ်တဲ့ကုသမှု သို့မဟုတ် ခွဲစိတ်မှုကို ပုံမှန်လုပ်ဆောင်နေသလား?

3️⃣ လိုအပ်တဲ့ စက်ကိရိယာ၊ ICU၊ ပြန်လည်သန်စွမ်းရေးနဲ့ အခြားဌာနပူးပေါင်းကုသမှုတွေ ရှိသလား?

4️⃣ ကုသမှုပြီး မြန်မာနိုင်ငံပြန်ရောက်တဲ့အခါ Follow-up ဆက်လုပ်နိုင်သလား?

5️⃣ လူနာရဲ့ အရေးပေါ်လိုအပ်ချက်၊ Budget၊ ခရီးသွားနိုင်မှုနဲ့ ကုသရန်နေထိုင်ရမယ့်ကာလတို့ ကိုက်ညီသလား?

YHN က လူနာတိုင်းကို ဆေးရုံတစ်ခုတည်းပို့ပေးတာ မဟုတ်ပါဘူး။

Medical Report တွေကို အရင်စစ်ဆေးပြီး ရောဂါနဲ့သက်ဆိုင်တဲ့ အထူးကုဆရာဝန်၊ ဆေးရုံရဲ့ကုသနိုင်မှု၊ လိုအပ်တဲ့နည်းပညာ၊ Budget နဲ့ ခရီးသွားအခြေအနေတို့ကို ထည့်သွင်းစဉ်းစားပြီး ထိုင်းနဲ့ အိန္ဒိယရှိ သင့်တော်တဲ့ရွေးချယ်စရာတွေကို နှိုင်းယှဉ်ပေးပါတယ်။

Doctor Opinion နဲ့ Official Quotation တောင်းပေးပြီး ရရှိလာတဲ့ရွေးချယ်စရာတွေကို လူနာနားလည်လွယ်အောင် ပြန်လည်ရှင်းပြပေးပါတယ်။

နောက်ဆုံးကုသမှုဆုံးဖြတ်ချက်ကိုတော့ ကုသမယ့်ဆရာဝန်နဲ့ လူနာမိသားစုက အတူတကွဆုံးဖြတ်ရမှာပါ။

ဆေးရုံနာမည်ကိုပဲ အရင်မရွေးပါနဲ့။

သင့်ရောဂါနဲ့ ကိုက်ညီတဲ့ ဆရာဝန်နဲ့ ကုသမှုလမ်းကြောင်းကို အရင်ရွေးချယ်ပါ။

Medical Report ပို့ပြီး ထိုင်း သို့မဟုတ် အိန္ဒိယရှိ ဆရာဝန်နှင့် ဆေးရုံရွေးချယ်မှုအတွက် YHN သို့ စတင်တိုင်ပင်နိုင်ပါတယ်။

📞 +66 64 589 6632
Phone • LINE • Viber • WhatsApp
🌐 yhnmedical.com
✉️ [email protected]

❤️ နှလုံးအဆို့ရှင်အသစ်ကို ရင်ဘတ်မဖွင့်ဘဲ ထည့်လို့ရတယ်ဆိုတာ သိပါသလား?“အသက်ကြီးလာလို့ လမ်းနည်းနည်းလျှောက်တာနဲ့ မောတာပဲ” ဆိ...
24/08/2026

❤️ နှလုံးအဆို့ရှင်အသစ်ကို ရင်ဘတ်မဖွင့်ဘဲ ထည့်လို့ရတယ်ဆိုတာ သိပါသလား?

“အသက်ကြီးလာလို့ လမ်းနည်းနည်းလျှောက်တာနဲ့ မောတာပဲ” ဆိုပြီး သာမန်အိုမင်းခြင်းလို့ ထင်နေမိပါသလား?

တကယ်တော့—

• လှုပ်ရှားလိုက်တာနဲ့ အသက်ရှူမဝခြင်း
• ရင်ဘတ်အောင့်ခြင်း
• မူးဝေခြင်း သို့မဟုတ် သတိလစ်ခြင်း
• အရင်ကထက် အားနည်းမောပန်းလွယ်ခြင်း
• ခြေထောက်ဖောလာခြင်း

တွေဟာ နှလုံးရဲ့အဓိကအထွက်တံခါးဖြစ်တဲ့ Aortic Valve ကျဉ်းနေခြင်းကြောင့်လည်း ဖြစ်နိုင်ပါတယ်။

Aortic Valve ကျဉ်းလာတဲ့အခါ နှလုံးက သွေးကိုခန္ဓာကိုယ်အနှံ့ပို့နိုင်ဖို့ ပိုပြီးအားစိုက်ညှစ်နေရပါတယ်။ ပြင်းထန်လာရင် ဆေးသောက်ရုံနဲ့ မလုံလောက်တော့ဘဲ နှလုံးအဆို့ရှင်အသစ် လဲလှယ်ဖို့လိုလာနိုင်ပါတယ်။

အရင်ကတော့ ရင်ဘတ်ဖွင့်ခွဲစိတ်ပြီး အဆို့ရှင်လဲပေးရတာ အဓိကနည်းလမ်းဖြစ်ခဲ့ပါတယ်။

ယနေ့ခေတ်မှာတော့ သင့်တော်တဲ့လူနာတွေအတွက် ရင်ဘတ်မဖွင့်ဘဲ အဆို့ရှင်အသစ်ထည့်ပေးနိုင်တဲ့ TAVI/TAVR နည်းပညာရှိလာပါပြီ။

TAVI/TAVR ဆိုတာ ဘာလဲ?

TAVI — Transcatheter Aortic Valve Implantation
TAVR — Transcatheter Aortic Valve Replacement

အမည်ကွာပေမယ့် တူညီတဲ့ကုသမှုကို ဆိုလိုတာပါ။

ဆရာဝန်က အများအားဖြင့် ပေါင်ခြံရှိသွေးကြောကနေ သေးငယ်တဲ့ပိုက်တစ်ချောင်းဖြင့် အဆို့ရှင်အသစ်ကို နှလုံးအထိရောက်အောင် ပို့ပေးပါတယ်။ ပြီးရင် ကျဉ်းနေတဲ့ အဆို့ရှင်အဟောင်းအတွင်းမှာ အဆို့ရှင်အသစ်ကို နေရာချပြီး ဖွင့်ပေးတာဖြစ်ပါတယ်။

TAVI ရဲ့အားသာချက်တွေက—

✅ ရင်ဘတ်အကြီးစားဖွင့်ခွဲစိတ်ရန် မလိုခြင်း
✅ ခွဲစိတ်ဒဏ်ရာနှင့် ခန္ဓာကိုယ်ထိခိုက်မှု နည်းနိုင်ခြင်း
✅ သာမန် Open-heart Surgery ထက် ပြန်လည်နာလန်ထချိန်တိုနိုင်ခြင်း
✅ အသက်ကြီးသူနှင့် အကြီးစားခွဲစိတ်မှုအန္တရာယ်မြင့်သူများအတွက် ရွေးချယ်စရာဖြစ်နိုင်ခြင်း
✅ အသက်ရှူမဝခြင်း၊ ရင်ဘတ်အောင့်ခြင်းနှင့် လှုပ်ရှားနိုင်စွမ်းကျဆင်းခြင်းတို့ သက်သာလာနိုင်ခြင်း

ဒါပေမယ့် အသက် ၇၀ ကျော်တိုင်း TAVI လုပ်လို့ရတာ မဟုတ်ပါဘူး။

အဆို့ရှင်ပုံစံ၊ သွေးကြောအရွယ်အစား၊ နှလုံးအခြေအနေ၊ အခြားနှလုံးခွဲစိတ်မှုလိုအပ်ခြင်းရှိမရှိနဲ့ ရေရှည်အသုံးခံနိုင်မှုတို့ကို စစ်ဆေးပြီး Cardiologist နဲ့ Cardiac Surgeon ပါဝင်တဲ့ Heart Team က ဆုံးဖြတ်ရပါတယ်။

အသက်ငယ်သူ၊ အဆို့ရှင်မွေးရာပါပုံစံကွဲနေသူ သို့မဟုတ် အခြားနှလုံးခွဲစိတ်မှုပါ တစ်ပြိုင်နက်လိုအပ်သူအချို့မှာ Open-heart Surgery က ပိုသင့်တော်နိုင်ပါတယ်။

TAVI က အန္တရာယ်လုံးဝမရှိတဲ့ကုသမှုလည်း မဟုတ်ပါဘူး။ သွေးထွက်ခြင်း၊ သွေးကြောထိခိုက်ခြင်း၊ လေဖြတ်ခြင်း၊ နှလုံးခုန်စက်တပ်ရန်လိုလာခြင်း၊ ကျောက်ကပ်ထိခိုက်ခြင်း သို့မဟုတ် အဆို့ရှင်ဘေးမှ သွေးယိုခြင်းတို့ ဖြစ်နိုင်လို့ အတွေ့အကြုံရှိတဲ့ Heart Valve Centre ကိုရွေးချယ်ဖို့ အရေးကြီးပါတယ်။

YHN မှတစ်ဆင့် Bangkok နှင့် India ရှိ ရွေးချယ်ထားသောဆေးရုံများအတွက်—

🔹 Cardiologist/Heart Team Second Opinion
🔹 Echo၊ CT နှင့် Medical Record Review
🔹 TAVI နဲ့ Open-heart Surgery နှိုင်းယှဉ်ဆွေးနွေးခြင်း
🔹 သင့်တော်သောဆရာဝန်နှင့် ဆေးရုံရွေးချယ်ခြင်း
🔹 Treatment Plan နှင့် ခန့်မှန်းကုန်ကျစရိတ်တောင်းခြင်း
🔹 Appointment၊ ဘာသာပြန်နှင့် ခရီးစဉ်ဆိုင်ရာအကူအညီ

များကို စီစဉ်ပေးနိုင်ပါတယ်။

Echo Report ရှိပြီး TAVI သင့်တော်နိုင်မနိုင် ကနဦးဆွေးနွေးချင်ရင် YHN Team ကို Messenger မှာ ဆက်သွယ်ပေးပါရှင့်

📞 +66 64 589 6632
LINE | Viber | WhatsApp
🌐 yhnmedical.com

21/08/2026

🪨 “ကျောက်ပဲထုတ်လို့ မရဘူးလား? သည်းခြေအိတ်ပါ ဘာကြောင့်ဖယ်ရတာလဲ?”

သည်းခြေအိတ်ကျောက်ခွဲစိတ်ဖို့ ပြောခံရတဲ့လူနာအများစု မေးတတ်တဲ့မေးခွန်းပါ။

သည်းခြေအိတ်က အသည်းကထုတ်ပေးတဲ့ သည်းခြေရည်ကို ခဏသိုလှောင်ထားပေးတဲ့ အိတ်ငယ်လေးဖြစ်ပါတယ်။ အဲဒီအထဲမှာ ကျောက်တွေဖြစ်လာပြီး သည်းခြေရည်ထွက်တဲ့လမ်းကို ပိတ်မိတဲ့အခါ—

* အဆီများတဲ့အစားအစာစားပြီး ညာဘက်ဝမ်းဗိုက်အပေါ်ပိုင်း ထိုးအောင့်ခြင်း
* နောက်ကျော သို့မဟုတ် ညာဘက်ပခုံးအထိ နာခြင်း
* ပျို့ခြင်း၊ အန်ခြင်း
* သည်းခြေအိတ်ရောင်ခြင်း
* အသားဝါခြင်းနှင့် ဖျားခြင်း

တို့ ဖြစ်လာနိုင်ပါတယ်။

ဒါပေမဲ့ Ultrasound မှာ ကျောက်တွေ့တိုင်း ခွဲစိတ်ရတာမဟုတ်ပါဘူး။ လက္ခဏာလုံးဝမရှိတဲ့ ကျောက်တွေကို အခြေအနေပေါ်မူတည်ပြီး စောင့်ကြည့်နိုင်ပါတယ်။ ပြန်ပြန်နာခြင်း၊ ရောင်ရမ်းခြင်း သို့မဟုတ် သည်းခြေလမ်းပိတ်ခြင်းရှိရင်တော့ ခွဲစိတ်ကုသဖို့ လိုအပ်နိုင်ပါတယ်။

ကျောက်ပဲထုတ်ပြီး သည်းခြေအိတ်ကို ချန်ထားလို့မရဘူးလား?

လက္ခဏာပေးနေတဲ့ သည်းခြေအိတ်ကျောက်အတွက် စံကုသမှုက ကျောက်ပဲရွေးထုတ်တာမဟုတ်ဘဲ ကျောက်ဖြစ်ပေါ်နေတဲ့ သည်းခြေအိတ်ကို ဖယ်ရှားခြင်း ဖြစ်ပါတယ်။

သည်းခြေအိတ်ကို ချန်ထားရင် ကျောက်ပြန်တည်နိုင်ပြီး နာကျင်မှု၊ ရောင်ရမ်းမှုနဲ့ သည်းခြေလမ်းပိတ်ခြင်းတွေ ပြန်ဖြစ်နိုင်လို့ပါ။

လက်ရှိမှာ အများဆုံးအသုံးပြုတဲ့နည်းက—

🔹 Laparoscopic Cholecystectomy
🔹 အပေါက်ငယ်အနည်းငယ်ဖြင့် ခွဲစိတ်ခြင်း
🔹 အနာသေးပြီး နာကျင်မှုနည်းနိုင်ခြင်း
🔹 ဆေးရုံတက်ရက်တိုနိုင်ခြင်း
🔹 နေ့စဉ်ဘဝသို့ ပိုမြန်မြန်ပြန်နိုင်ခြင်း

ဖြစ်ပါတယ်။

သည်းခြေအိတ်မရှိတော့ရင် ပုံမှန်စားသောက်နိုင်ပါ့မလား?

အသည်းက သည်းခြေရည်ကို ဆက်လက်ထုတ်ပေးနေတဲ့အတွက် လူအများစုက သည်းခြေအိတ်မရှိဘဲ ပုံမှန်နေထိုင်နိုင်ပါတယ်။

ခွဲစိတ်ပြီးအစပိုင်းမှာ အဆီများတဲ့အစားအစာစားရင် ဝမ်းပျော့ခြင်း သို့မဟုတ် ဗိုက်မအီခြင်း အနည်းငယ်ရှိနိုင်ပေမယ့် အများအားဖြင့် ခန္ဓာကိုယ်က တဖြည်းဖြည်းအသားကျသွားပါတယ်။

🚨 ညာဘက်ဝမ်းဗိုက်အပေါ်ပိုင်း ပြင်းပြင်းထန်ထန်နာပြီး နာရီအတော်ကြာမပျောက်ခြင်း၊ ဖျားခြင်း၊ မျက်လုံးနှင့်အသားဝါခြင်း၊ ဆက်တိုက်အန်ခြင်းရှိရင် ဆေးရုံကို အမြန်သွားရောက်စစ်ဆေးပါ။

India နဲ့ Bangkok ဘယ်နေရာမှာ ကုသသင့်လဲဆိုတာကို လူနာရဲ့အခြေအနေ၊ ခွဲစိတ်ဆရာဝန်၊ ဆေးရုံတက်ရက်၊ ကုန်ကျစရိတ်နဲ့ ခရီးသွားရလွယ်ကူမှုတို့ကို နှိုင်းယှဉ်ပြီး ရွေးချယ်နိုင်ပါတယ်။

📞 Your Health Navigator – YHN
ဆေးမှတ်တမ်းကြိုတင်စစ်ဆေးခြင်း • ဆရာဝန်နှင့်ဆေးရုံရွေးချယ်ပေးခြင်း • Appointment • Cost Estimate

LINE • Viber • WhatsApp: +66 64 589 6632
🌐 yhnmedical.com
📧 [email protected]

#သည်းခြေအိတ်ကျောက်

ที่อยู่

Bangkok

เวลาทำการ

จันทร์ 09:00 - 22:00
อังคาร 09:00 - 22:00
พุธ 09:00 - 22:00
พฤหัสบดี 09:00 - 22:00
ศุกร์ 09:00 - 22:00
เสาร์ 09:00 - 22:00
อาทิตย์ 09:00 - 22:00

เว็บไซต์

แจ้งเตือน

รับทราบข่าวสารและโปรโมชั่นของ Your Health Navigator - ထိုင်းအိန္ဒိယကျန်းမာရေးဝန်ဆောင်မှူผ่านทางอีเมล์ของคุณ เราจะเก็บข้อมูลของคุณเป็นความลับ คุณสามารถกดยกเลิกการติดตามได้ตลอดเวลา

ทางลัด

แชร์

ประเภท