10ML Parfum

10ML Parfum Contact information, map and directions, contact form, opening hours, services, ratings, photos, videos and announcements from 10ML Parfum, Beauty Supply Store, Ariana.
(2)

06/04/2026

✨️SCANDAL PARFUM✨️
👈فيديو بينت فيه كيفاش تصير عملية تقسيم عطر سكاندال بطريقة فكاهية. 😄
👈يا حسرة, بداياتي كانت بإنتاج النوعية هاذي من الفيديوهات... فيديوهات تعبر على حبي الكبير بالعطور. برشا خدمة و برشا تعب لكن كل شيء يهون كي تقوم بحاجة تحبها. و صدقوني ما تنجح في الدنيا هاذي إلا كي تعمل حاجة تحبها. الباقي كلو زايد.
بعد سكاندال بارفان جبنا نسخة الأبسولو و توا جبنا اخر نسخة لسنة 2026 و هي نسخة إليكسير اللي إن شاء الله باش نهبطها في التقسيم قريبا.👇
🌐➡️ www.10ml-parfum.tn

✨️ديما و كيما عودناكم تلقاو عنا كان الجديد... أفخم و أرقى العطور بين نيش و ديزاينر☺️. المبدأ متاعنا واضح و إن شاء الله م...
04/04/2026

✨️ديما و كيما عودناكم تلقاو عنا كان الجديد... أفخم و أرقى العطور بين نيش و ديزاينر☺️. المبدأ متاعنا واضح و إن شاء الله ما يتبدلش و اللي هو ما نجيبو كان العطور الأصلية ذات المستوى العالي و مرحبا بكم.👇
🌐➡️ www.10ml-parfum.tn 🇹🇳

Cuir Béluga (GUERLAIN)كان باش نقول عليه "تحفة" الكلمة هاذي كيفها كيما برشا كلمات أخرى ولات كلمة مبتذلة، الله غالب عالم ا...
04/04/2026

Cuir Béluga (GUERLAIN)
كان باش نقول عليه "تحفة" الكلمة هاذي كيفها كيما برشا كلمات أخرى ولات كلمة مبتذلة، الله غالب عالم العطور في تونس طيحولو قدرو لدرجة أنك كل ما تحب تعبر على جمال العطر أو تحاول توصفو تلقى اللي أغلب التعابير و الكلمات طيحولهم قدرهم.
على كل حال لما استعملت العطر حسيت روحي إنسان عادي لكن كمية الإطراءات (Les compliments) اللي جاوني حاجة فوق الخيال، شنوا سر العطر هذا و شنوا السحر اللي موجود في عطور GUERLAIN !!!
نرجعو للموضوع الأول، بالله حاولو ارتقيو شويا في وصفكم للعطور... إبعدو على (تحفة)، (راقي)، (متفرد)، (قنبلة... 😅 قنبلة على جنابك إن شاء الله). المصطلحات هاذي إستعملوها في وقتها.. إستعملوها في فقرة، على الأقل حسونا اللي أنتوما تحكيو بالرسمي، اللي فما بحث و تفكير و إحساس، راكم عورتولها.
ميسالش عبر على إحساسك حتى بضحكة يا راك ضحكة 😅
آش شلكتو رواحكم و شلكتو البارفانات، تي رواحكم ميسالش ✔️ أما البارفانات خط أحمر 🚫 ياخي بالله فهموني ما قريتوش (تعبير كتابي) في المكتب؟؟ مالا هاني باش نولي نعمل عليكم دراسة نص لين تحشمو على رواحكم 🤣
ظاهرلي خرجت برشا على الموضوع أما غيرلان (تحفة 😁)

🎉محلاه الإحساس كي تبدا تمشي في الشارع و تتقابل مع متابع وفي للصفحة.👈البارح بالصدفة تقابلت مع أحد المتابعين و هو كليون كا...
01/04/2026

🎉محلاه الإحساس كي تبدا تمشي في الشارع و تتقابل مع متابع وفي للصفحة.
👈البارح بالصدفة تقابلت مع أحد المتابعين و هو كليون كان تعامل معايا في أكثر من مناسبة... أول ما شافني ديراكت عرفني و جاء سلم عليا... في نفس اللحظة قالي ملا بارفان عاملها... ريحة و أداء موش عادي !!!🤔
👈و في كل تحريكة نتحركها يعاود يسألني بانبهار... موش هذا فقط بل أنو الريحة بقات في ذاكرتو حتى بعد ما روح في الليل عاود كتبلي كومونتار كيما تلاحظو في الصورة أسفل هذه التدوينة.
👈ريتو مدى تأثير العطور الفخمة و الأصلية؟؟
المتابع هو صديقنا Rami Salem و البارفان هي Cuir Béluga من غيرلان.
👈نقولها و ديما نقولها, المتابعين متاعي و كليوناتي هوما أصحابي و خواتي... و العطر الأصلي هو تأثير قبل ما يكون مجرد ريحة.
👈اللي حاشتو بريحة بنينة فقط من غير تكاليف يعمل دوش بالصابون الأخضر🧼🛁 و يتوكل على ربي... يا تحط فلوسك في حاجة عندها قيمة يا زايد تضر روحك و العباد الدايرة بيك بريحة مذرحة.🤭
🌐➡️ www.10ml-parfum.tn 🇹🇳

31/03/2026

🎉الحمد لله وصول عطور جديدة, المرة هاذي خيرت نصورلكم فيديو🎥... مرحبا بكم في عالم العطور الأصلية.👇
➡️🌐 www.10ml-parfum.tn 🇹🇳

28/03/2026

✨️DELINA EXCLUIF✨️ (🔴Live)
🌐➡️ www.10ml-parfum.tn
🇹🇳🇹🇳🇹🇳🇹🇳🇹🇳🇹🇳🇹🇳🇹🇳🇹🇳🇹🇳

🎉جلسة عطرية من أعلى مستوى... حبنا للعطور يخلينا ديما نحبو نكتشفو و نتعرفو على عباد راقية جدا. العطور هاذي ليست للبيع.👈عط...
27/03/2026

🎉جلسة عطرية من أعلى مستوى... حبنا للعطور يخلينا ديما نحبو نكتشفو و نتعرفو على عباد راقية جدا. العطور هاذي ليست للبيع.
👈عطور أغلبها نادر... روائح غير عادية... نجمو نقولو عليهم تحف أو أعمال فنية من جميع النواحي.
👈مثل هذه الجلسات تخليني نزيد نقدم و نطور من معرفتي بعالم العطور الفخمة... تخليني نعرف اللي مازال فما عباد راقية في هذا المجال🫡 اللي للأسف برشا "سامحوني في الكلمة" قاعدين "يشلكو فيه".😮‍💨
🌐➡️ 10ml-parfum.tn
Mohamed Islem Zorgane Ahmed Feker

✨️اليوم حاولت نختارلكم أحسن العطور الأصلية اللي تتناسب مع طقسنا في الوقت الحاضر... نعرفو الإرتباط الكبير بين العطر و ال...
24/03/2026

✨️اليوم حاولت نختارلكم أحسن العطور الأصلية اللي تتناسب مع طقسنا في الوقت الحاضر... نعرفو الإرتباط الكبير بين العطر و الطقس⛈️ لأنو كل فصل و كل طقس عندو بارفانات تتماشى معاه. ما نعرش علاش وليت نحس روحي نقدم في النشرة الجوية.☺️🤭
👈على كل التشكيلة هاذي واللي تتكون بما يقارب 80 عطر نيش و ديزاينر هي من أروع العطور الفخمة اللي تتماشى مع فصل الربيع.⛅️
👈أحنا في 10مل بارفان نحاولو نقدمولكم ثقافة عطرية متزامنة مع تجربة العطر بالكمية اللي تناسبكم. لأنو ما نجموش نفهمو العطور بدون تجربتها في الواقع.
👈باش تعرفو أكثر معلومات تنجمو تتواصلو معايا في الخاص كيما تنجمو تزورو موقعي الرسمي 10ml-parfum.tn و مرحبا بكم في عالم العطور الفخمة.🫡

✨️بداية أسبوع موفقة لجميع متابعي 10مل بارفاننجمو نقولو اللي أحنا توا دخلنا في قلب فصل الربيع⛅️... الطقس موش مفهوم لكن يع...
23/03/2026

✨️بداية أسبوع موفقة لجميع متابعي 10مل بارفان
نجمو نقولو اللي أحنا توا دخلنا في قلب فصل الربيع⛅️... الطقس موش مفهوم لكن يعتبر طقس معتدل. لذلك نقترح عليكم تجربو الزوز عطور هاذوما و اللي يعتبرو آخر إصدارات دار "دي مارلي" و دار "تيزيانا تيرينزي" ☺️
👈زوز عطور نعتبرهم مناسبين لطقس معتدل أو مائل للحرارة.
بالنسبة للأداء...👇
👈الأداء يعتبر جيد بالنسبة Castley و جيد جدا بالنسبة لعطر Kirké Overdose 😉
👈مرحبا بكم و ما تنساوش تزورونا على www.10ml-parfum.tn
🇹🇳🇹🇳🇹🇳🇹🇳🇹🇳🇹🇳🇹🇳🇹🇳🇹🇳🇹🇳

18/03/2026

🌙 عيد مبارك ‎🌙
✨️كل عام وأنتم بخير تقبل الله من ومنكم صالح الاعمال ختم الله لكم رمضان بالرحمة والغفران وتقبل صيامكم وقيامكم وصالح أعمالكم وجعلنا واياكم من عتقائه من النار وجعل ختام صومكم عبادة والعيد لكم فرحة وسعادة ☺️
وكل عام وانتم بالف خير ..

Address

Ariana
2080

Telephone

+21650360222

Website

Alerts

Be the first to know and let us send you an email when 10ML Parfum posts news and promotions. Your email address will not be used for any other purpose, and you can unsubscribe at any time.

Shortcuts

Share

Category