Cabinet d'orthophonie Nour Boukhris

14/05/2026

12/05/2026

‎🔥موش كل طفل جاهز للمدرسة في نفس العمر… وموش كل تأجيل يعني فشل
‎
‎📚 بالتزامن مع التسجيل في السنة الأولى، برشا أولياء يعيشوا نفس الحيرة:
‎ندخلو صغيرنا ولا نستناو عام؟
‎
‎
‎👩‍⚕️ كأخصائية في تقويم النطق ، كي نقلك “ صغيرك مزال ناقص و وراهو دخولو للمدرسة باش يكون موش في مصلحتو ”
‎موش معناها احنا منحبوهش صغيرك أو عندنا مشكلة معه أو صغيرك مقدمش أو متحسنش …
‎
‎
‎بل هو قرار علاجي وتربوي يتاخذ بمسؤولية، وغالبًا بالتنسيق مع فريق مختص (طبيب نفسي أطفال، وأخصائي علاج وظيفي…)
‎
‎🧠 متى نفكرو في تأجيل الدخول للمدرسة؟
‎
‎* كي اللغة المنطوقة مازالت ضعيفة أو غير واضحة
‎* كي الطفل يلقى صعوبة في الفهم أو التعبير
‎* كي الجاهزية المدرسية (الانتباه، التركيز، الاستقلالية) مازالت ناقصة
‎
‎
‎✏️ خاطر الحقيقة المهمة هي:
‎📌 اللغة المنطوقة هي الأساس متاع القراءة والكتابة
‎وإذا الأساس ضعيف، البداية المدرسية تولّي مرهقة وصعيبة على الطفل.
‎
‎(تو حتى الاطفال الي معندهمش تأخر او مشاكل اخرى يواجهو برشا صعوبات لأنو القراية ولات ياسر صعيبة )
‎
‎⏳ “نخسروا عام”؟
‎لا… في الحقيقة نربحوا:
‎✨ تعلم أسهل
‎✨ ثقة في النفس
‎✨ نجاح مدرسي أقوى على المدى الطويل
‎
‎💛 الهدف موش “يدخل المدرسة و كهو ”
‎الهدف هو:
‎👉 يدخل وهو قادر يستفيد، يفهم، وينجح.
‎
‎
‎📌 قرار التأجيل موش ساهل على الأولياء… أما في برشا حالات يكون قرار ذكي لمستقبل الطفل.
‎
‎

12/05/2026