07/12/2026
Ishte viti 2010, isha 22 vjec dhe po bëja stazhin e parë në një kompani në Paris si inxhiniere. Një mëngjes, teksa po pija kafen e mëngjesit, një koleg mu afrua dhe më tha: "Do të duket e çuditshme çfarë do të them por më duhet ta ndaj me ty këtë histori. Para 25 vitesh kam bërë një aksident me motor, dola nga trupi im, shkova në qiell, takova gjyshen time e cila më tha që nuk ishte ende koha ime për të vdekur dhe u ktheva në trupin tim. Nuk ia kam treguar asnjërit këtë histori, as gruas sime (sot kjo histori njihet si NDE) por kur te pashë për herë të parë pashë një dritë rreth teje dhe mora mesazhin që duhet të ta thoja. Nuk e di pse por lexo këtë libër. E kam ruajtur për 9 vite para se të të gjeja ty. Po të priste." Kolegu quhej Daniel ishte nga karaibet dhe libri quhej The wheel of life nga Elizabeth Kubler Ross - doktoresha zviceriane pionere e cila flet kryesisht për 5 fazat e zisë. Në këtë libër autobiografik ajo flet për jetën e saj dhe punën me njerëzit në prag të vdekjes gjithashtu dhe për jetët e saj të kaluara të zbuluara gjatë jetës së saj (jo përmes hipnozës.)
Pasi lexova këtë libër diçka u hap në mendjen time. Fillova të lexoja çdo libër që kishte në Amazon gjatë asaj kohe. Libri i dytë që më bëri të njëjtin impakt ishte "Destiny of Souls" I Michael Newton I cili jo vetëm flet për jetët e kaluara por edhe çfarë ndodh mes Jetëve kur personi nuk është i reinkarnuar me raste klinike të mbi 7000 klientëve të tij.
Gjatë 2 viteve lexova çdo libër që më ra në dorë mbi këtë temë. Librat më të rëndësishëm jua vendosa në këtë postim.
Më pas në 2012 babi im vdiq dhe nuk ishte më e mjaftueshme për mua të lexoja librat. Doja të kisha sigurinë që ajo për të cilën po lexoja ishte e vërtetë, jo vetëm rastet e suksesit. Doja të dija a ekzistonte shpirti pas vdekjes. Prandaj vendosa të trajnohesha vetë si hipnoterapiste dhe të bëja atë që Michael Newton bënte.
Fatkeqësisht për shkak të punës dhe mungesës së të ardhurave, nuk mund ta lija Francën dhe të shkoja në San Francisco ku kryheshin trajnimet. Gjatë kërkimeve të mia u njoha me Dolores Cannon me të cilën, ndryshe nga Michael Newton, mund të trajnoheshe nga Franca.
Dhe këtu filloi rrugetimi im.
