Source of Life

06/26/2026

Sistèm restavèk la se yon gwo risk pou sante mantal timoun yo, paske li mete yo nan neglijans, eksplwatasyon ak separasyon ak fanmi yo.

Sa ka lakòz anksyete, laperèz, depresyon, yo pa gen estim pou tèt yo, twomatis, epi difikilte nan relasyon sosyal ak aprantisaj.

Sa afekte tout lavi timoun sa.

06/25/2026

Rezilta a pa rakonte tout istwa a. Nou se Ayisyen🇭🇹🇭🇹.

Rezilyans nou se fòs nou, kouraj nou se motè nou. Malgre tout defi yo, n ap kontinye avanse, n ap kontinye goumen.

Ann pike pou pi devan.

06/22/2026

Ou se premye priyorite w. Pa gen moun ki vle bonè w plis pase ou menm.
Méangie Roy Guida Drvl Pierre Luckner Dominique Hugens Roy Woodjery Plw Pierre Louis Nadjena Markenson Pierre Francois

06/19/2026

Nou poko monte sou teren an, men nou deja chanpyon 🇭🇹

Malgre kondisyon n ap viv yo, malgre dezinyon yo, malgre diferans nou yo, nou mete tout bagay sou kote pou n voye bon enèji bay Grenadye yo. 🔥⚽

Ann kanpe dèyè ekip la, ann fè drapo a flote byen wo.

Let's go Haïti 🇭🇹🇭🇹🇭🇹

06/17/2026

Ankouraje timoun yo aprann rekonèt ak eksprime emosyon yo pandan y ap desine!

Liv koloryaj sa a sou emosyon yo se yon bèl zouti pou ede timoun yo devlope entèlijans emosyonèl yo, ranfòse konfyans nan tèt yo, epi amelyore kapasite yo pou kominike santiman yo nan yon fason ki senp, kreyatif, ak amizan.

Aktivite sa a pa sèlman bay timoun yo plezi — li ede yo bati ladrès ki ka sipòte sante mantal yo, kwasans emosyonèl yo, epi ba yo plis kapasite pou konprann tèt yo ak sa y ap santi.

Ou ta renmen jwenn liv koloryaj sou emosyon yo pou timoun?
Si wi, fè sa pou resevwa PDF la GRATIS:
👉🏾Like pòs sa a

👉🏾Pataje li ak lòt paran, guardians, ak edikatè

👉🏾Epi abòne ak paj la pou w ka rete konekte epi jwenn lot kontni entèresan

Lè ou fini, n ap voye vèsyon PDF la ba ou gratis!

Bay timoun yo yon zouti ki gen sans pou ede yo grandi emosyonèlman, eksprime tèt yo, epi devlope konfyans!











Méangie Roy Luckner Dominique Rose Andrine Jean Baptiste Guida Drvl Pierre Hugens Roy Nadjena Rhodnée Bonnet Marie Christie Adahora Lafleur Woodjery Plw Pierre Louis Dave P Haïti

06/16/2026

Mwa sa se Mwa sante mantal gason: ann sipòte tout gason, espesyalman Grenadye k ap reprezante nou yo nan yon konpetisyon ki chaje ak presyon ak estrès.

Pandan n ap selebre Ayiti nan Koup di Mond lan, ann pa tann sèlman match yo pou nou selebre, ann voye bon enèji pozitif depi kounye a, kite yon pawòl pozitif pou grenadye nou yo.
Luckner Dominique Hugens Roy Mental Health Advocate for Haitians Guida Drvl Pierre Rose Andrine Jean Baptiste Dave P Haïti Méangie Roy Rhodnée Bonnet Marc Junior Frere

06/14/2026

Jodia se Jounen Nasyonal Timoun.

Timoun yo, vin aprann konnen emosyon nou yo ak Sous Lavi a.

Lè nou aprann idantifye emosyon nou yo epi jere yo byen, sa ede nou devlope entèlijans emosyonèl nou.

Konprann sa n ap santi, eksprime l avèk respè, epi pran bon desizyon se etap enpòtan pou nou grandi ak ekilib, konfyans, ak sajès.

06/10/2026

Jodi a, n ap prezante kèk siy ak sentòm depresyon sevè.

Jan nou konnen, depresyon sevè se youn nan maladi mantal ki grav yo. Li pa fè diferans ant moun, timoun, granmoun, fanm ak gason tout ka afekte pa li.

Nan mwa sa a, ki dedye a sansibilizasyon sou sante mantal gason, li enpòtan pou nou sonje anpil gason ap pote gwo chay sou zepòl yo pandan y ap fè fas ak estrès, enkyetid ak depresyon. Souvan, yo soufri an silans paske yo santi yo oblije toujou parèt fò.

Ann pran tan pou nou tcheke sou gason ki bò kote nou yo. Yon senp kesyon tankou "Kijan ou ye vre?" oswa yon zòrèy ki dispoze koute ka fè yon gwo diferans.

Sipòte sante mantal gason yo. Ankouraje yo pale sou santiman yo, chèche èd lè sa nesesè, epi fè yo konnen yo pa poukont yo.

Pran swen sante mantal se yon siy kouraj, pa yon siy feblès.

06/03/2026

🇭🇹⚽ AYITI 4 – NOUVÈL ZELANN 0 ⚽🇭🇹

Apre 52 lane, Ayiti retounen nan Koup di Mond lan!

Viktwa yè swa a pa t sèlman yon viktwa nan foutbòl. Li se yon rapèl sou sa ki posib lè nou rete konsantre, travay ansanm, pèsevere, epi pa janm abandone.

Pandan n ap selebre gwo viktwa sa a, ann reflechi sou kèk leson chanpyon yo ka anseye nou sou sante mantal.

🧠 1. Antre Lespri W

Chanpyon pa sèlman antrene kò yo. Yo antrene lespri yo tou.

Menm jan yon atlèt pratike chak jou pou vin pi fò, lespri nou bezwen fòmasyon tou. Nou dwe aprann kijan pou nou jere estrès, kontwole emosyon nou, epi devlope fason ki an sante pou nou panse.

🗣️ 2. Pa Pote Tout Bagay Pou Kont Ou

Pa gen okenn ekip ki genyen ak yon sèl jwè.

Lavi a menm jan an.

Lè bagay yo vin lou, pale ak yon moun ou fè konfyans. Chèche sipò pa vle di ou fèb. Sa montre ou gen sajès ak kouraj.

🤝 3. Bati Ekip Sipò Ou

Dèyè chak ekip ki reyisi, gen yon ekip sipò.

Antrenè. Kamarad ekip. Fanmi. Zanmi. Moun k ap ankouraje yo.

Nou tout bezwen moun ki ka leve nou lè nou dekouraje, ankouraje nou lè nou fatige, epi raple nou valè nou lè lavi a difisil.

❤️ 4. Geri. Grandi. Genyen.

Viktwa pa rive nan yon sèl jou.

Retou Ayiti nan Koup di Mond lan te pran plizyè ane travay, disiplin, ak pèseverans.

Menmjan an tou, gerizon emosyonèl ak kwasans pèsonèl mande tan, pasyans, ak espwa.

Chak pa ou fè konte.

Pandan mwa sante mantal gason yo, sonje:

🧠 Lespri w merite fòmasyon.
❤️ Emosyon w merite atansyon.
🤝 Ou pa oblije mache poukont ou.
🏆 Sante mantal se yon pati nan viktwa ou.

Paske genyen se pa sèlman sou teren an.

Genyen kòmanse nan lespri a.

Fyè. Rezilyan. Ayisyen.

06/02/2026