06/19/2026
🗣️ Өвчин заримдаа зөвхөн биеийн бус, сэтгэлийн дохио ч байж болно
Хүний бие, сэтгэл хоёр салангид биш гэж үздэг нэгэн чиглэлийг психосоматик хэмээн нэрлэдэг. Энэ нь өвчний зөвхөн шинж тэмдгийг бус, түүнд нөлөөлсөн сэтгэл зүй, амьдралын хэв маяг, дотоод зөрчлийг хамтад нь авч үздэг ойлголт юм.
Монголчууд ч эртнээс “Сэжгээр өвдөж, сүжгээр эдгэнэ” хэмээн ярьж ирсэн нь сэтгэл санаа, бие махбод хоёр хоорондоо холбоотойг ажиглаж байсных биз ээ.
📌 Психосоматик үзлээр:
▪️ Шөнө шүдээ хавирах нь дотроо хуримтлагдсан стресс, хэлж чадаагүй бухимдалтай холбоотой байж болох бөгөөд амралт, бясалгал, дасгал хөдөлгөөн нь тус болдог гэж үздэг.
▪️ Хүүхдийн орондоо шээх асуудал нь зөвхөн бие махбодын бус, айдас, дарамт, сэтгэлзүйн орчинтой холбоотой байх тохиолдол байдаг.
▪️ Хоолой өвдөх нь өөрийгөө хүлээн зөвшөөрөхгүй байх, хэлэх гэсэн зүйлээ дотроо хадгалсаар явахтай холбоотой гэж тайлбарладаг.
▪️ Нурууны өвдөлт нь хэт их ачаалал, дотоод зөрчил, амьдралын дарамтыг биеэрээ үүрч яваагийн илрэл гэж үзэх нь бий.
▪️ Толгой өвдөх нь амьдралын хэмнэл, стресс, хэт их бодол, дотоод тэнцвэр алдагдсантай холбоотой байж болох юм.
▪️ Арьсны харшил, экземийг дотоод тайван байдал алдагдсан үед биеийн өгч буй дохио гэж тайлбарлах нь бий.
▪️ Илүүдэл жинг зөвхөн хооллолт бус, сэтгэл ханамж, стресс, ганцаардалтай холбон судалдаг чиглэл ч байдаг.
▪️ Архинд донтох асуудлын цаана сэтгэлийн шарх, амьдралаас зугтах хүсэл, дутуу мэдрэмж нуугдаж байж болохыг мэргэжилтнүүд анхааруулдаг.
▪️ Харилцааны асуудал, удаан үргэлжилсэн гомдол, хүлээлт нь зарим хүнд биеийн зовиур болж илрэх тохиолдол бий.
Мэдээж аливаа өвчин бүрийг зөвхөн сэтгэлзүйгээр тайлбарлах боломжгүй. Шинжилгээ, эмчийн үзлэг, эмчилгээ хамгийн чухал хэвээр. Харин өвдөх бүртээ:
"Би яагаад ингэж ядарч, стресстэж, өөрийгөө хайхрахгүй явна вэ?" гэж өөрөөсөө асууж сурах нь ч бас эдгэрлийн нэг хэсэг байж болох юм.
Биеэ эмчлэхийн зэрэгцээ сэтгэлээ ч бас анхаарч яваарай. 🌿
