QKMF dr.Fatmir Krasniqi - Fushe Kosove - Faqja Zyrtare

QKMF dr.Fatmir Krasniqi - Fushe Kosove - Faqja Zyrtare QKMF në Fushë Kosove afër me objektin e komunes së re në Bresje.

Sot dt 10.06.2026 Komiteti për Cilësi dhe Siguri të Shërbimeve Shëndetësore në QKMF Fushë Kosovë mbajti takimin e rregul...
10/06/2026

Sot dt 10.06.2026 Komiteti për Cilësi dhe Siguri të Shërbimeve Shëndetësore në QKMF Fushë Kosovë mbajti takimin e rregullt, gjatë të cilit u prezantua auditi klinik me temën “Kujdesi shëndetësor në vizitat shtëpiake dhe kujdesi paliativ në QKMF Fushë Kosovë”. Po ashtu, u prezantua edhe draft-rregullorja për organizimin dhe ofrimin e shërbimeve të kujdesit paliativ dhe vizitave shtëpiake.

QKMF Fushë Kosovë renditet ndër qendrat që ofrojnë numrin më të madh të vizitave shtëpiake dhe shërbimeve të kujdesit paliativ. Duke pasur parasysh rritjen e vazhdueshme të kërkesave për këto shërbime, institucioni ynë synon avancimin e tyre të mëtejshëm në përputhje me standardet profesionale dhe praktikat më të mira të kujdesit shëndetësor.

Gjetjet e auditit klinik dhe rregullorja në proces miratimi do të kontribuojnë në standardizimin dhe përmirësimin e vazhdueshëm të këtij shërbimi, duke shfrytëzuar në mënyrë optimale kapacitetet profesionale dhe organizative të QKMF-së.
Qëllimi kryesor mbetet ofrimi i kujdesit cilësor, të sigurt dhe gjithëpërfshirës për pacientët që kanë nevojë për vizita shtëpiake dhe kujdes paliativ, duke përfshirë aktivisht edhe familjen në planifikimin dhe realizimin e kujdesit, me synim përmirësimin e cilësisë së jetës dhe mirëqenies së tyre.
Ky angazhim dëshmon përkushtimin e vazhdueshëm të QKMF Fushë Kosovë ndaj zhvillimit të shërbimeve të orientuara drejt nevojave të pacientit dhe forcimit të cilësisë së kujdesit shëndetësor në komunitet.

Ligjërata e radhës në kuadër të ZHVPSot, në QKMF, në kuadër të programit të Zhvillimit të Vazhdueshëm Profesional (ZHVP)...
08/06/2026

Ligjërata e radhës në kuadër të ZHVP
Sot, në QKMF, në kuadër të programit të Zhvillimit të Vazhdueshëm Profesional (ZHVP), u mbajt ligjërata e radhës nga Dr. Qefsere Simnica me temën:
“Çrregullimet e metabolizmit, rezistenca ndaj insulinës dhe dislipidemitë si faktorë të lidhur me obezitetin.”
Gjatë ligjëratës u diskutua mbi rëndësinë e identifikimit të hershëm të rezistencës ndaj insulinës, një gjendje metabolike që lidhet ngushtë me obezitetin dhe paraqet faktor të rëndësishëm rreziku për zhvillimin e diabetit tip 2, sëmundjeve kardiovaskulare dhe komplikimeve të tjera kronike. Gjithashtu u trajtua ndikimi i dislipidemive në shëndetin e pacientëve dhe rëndësia e parandalimit përmes promovimit të stileve të shëndetshme të jetesës.
U theksua roli kyç i mjekut familjar në zbulimin e hershëm të faktorëve të rrezikut, edukimin shëndetësor të pacientëve, këshillimin për ushqyerje të shëndetshme dhe aktivitet fizik, si dhe në monitorimin e vazhdueshëm të gjendjes shëndetësore të pacientëve.
Aktivitetet e ZHVP-së mbeten një komponent i rëndësishëm në përditësimin e njohurive profesionale dhe përmirësimin e cilësisë së shërbimeve shëndetësore në kujdesin parësor.

QKMF Fushë Kosovë forcon shërbimet për shëndetin e nënës dhe fëmijës përmes sesioneve me prindër dhe vizitave monitorues...
05/06/2026

QKMF Fushë Kosovë forcon shërbimet për shëndetin e nënës dhe fëmijës përmes sesioneve me prindër dhe vizitave monitoruese

Sot, në ambientet e QKMF Fushë Kosovë, në kuadër të sesionit të rregullt edukativo-shëndetësor për prindërim, u realizua vizitë monitoruese nga përfaqësuesja e Ministrisë së Shëndetësisë, Znj. Kadrije Majkovci, si dhe nga përfaqësuesja e UNICEF Znj. Jehona Luta.
Gjatë takimit u prezantuan aktivitetet dhe rezultatet e arritura në kuadër të shërbimeve për shëndetin e nënës dhe fëmijës. U raportua se gjatë muajit maj janë realizuar gjithsej 185 vizita te fëmijët dhe 16 vizita te gratë shtatzëna, të cilat kanë përfshirë monitorimin e rritjes dhe zhvillimit të fëmijëve, këshillimin shëndetësor të prindërve, si dhe mbështetjen e vazhdueshme të familjeve në komunitet.
Gjithashtu u theksua se në QKMF Fushë Kosovë organizohen deri në 4 sesione grupore për prindërit në muaj, aktivitet i cili është duke u implementuar që nga muaji mars 2025, në mbështetje nga Ministria e Shëndetësisë dhe UNICEF. Këto sesione kanë për qëllim fuqizimin e prindërve përmes edukimit shëndetësor, promovimit të praktikave të shëndetshme të kujdesit për fëmijët, si dhe rritjes së ndërgjegjësimit për nevojat zhvillimore, shëndetësore dhe sociale të fëmijëve.
Në diskutimet e zhvilluara u vlerësua rëndësia e këtyre shërbimeve në avancimin e kujdesit parësor shëndetësor, me theks të veçantë në identifikimin e hershëm të nevojave dhe faktorëve të rrezikut, si dhe në forcimin e bashkëpunimit me familjet dhe komunitetin. U theksua gjithashtu rëndësia e ndërhyrjes së hershme dhe koordinimit ndërinstitucional në rastet me nevoja të veçanta për mbrojtje dhe mbështetje.
Përfaqësuesit e institucioneve vlerësuan angazhimin e vazhdueshëm të stafit të QKMF Fushë Kosovë, i cili me profesionalizëm, përkushtim dhe përgjegjësi të lartë po kontribuon në ofrimin e shërbimeve cilësore dhe të qëndrueshme në komunitet.
Në këtë kontekst, u ritheksua se ky shërbim, si një komponent i ri dhe tejet i rëndësishëm i kujdesit parësor shëndetësor, po konsolidohet vazhdimisht si në aspektin e shtrirjes ashtu edhe të cilësisë së shërbimeve. Përmes zgjerimit të mbulueshmërisë, fuqizimit të kapaciteteve profesionale dhe standardizimit të praktikave të punës, po krijohen parakushtet për ofrimin e një kujdesi më gjithëpërfshirës, të qasshëm dhe cilësor për gratë shtatzëna, nënat e reja, fëmijët dhe familjet e tyre.

NJOFTIM PËR QYTETARËT DHE PACIENTËT E KOMUNËS SË FUSHË KOSOVËSTë nderuar qytetarë, Në prag të zgjedhjeve është vërejtur...
04/06/2026

NJOFTIM PËR QYTETARËT DHE PACIENTËT E KOMUNËS SË FUSHË KOSOVËS

Të nderuar qytetarë,
Në prag të zgjedhjeve është vërejtur rritje e numrit të kërkesave për lëshimin e raporteve mjekësore për votim me asistencë.

Ju informojmë se, sipas dispozitave ligjore në fuqi, Komisioni Qendror i Zgjedhjeve (KQZ) e rregullon saktë këtë proces. Qendra Kryesore e Mjekësisë Familjare (QKMF) ka për detyrë të zbatojë rekomandimet dhe kriteret e përcaktuara nga KQZ, të cilat përcaktojnë qartë kategoritë e votuesve që mund të përfitojnë nga votimi me asistencë.

Kush mund të votojë me asistencë:
1. Votuesi i cili për shkak të aftësisë së kufizuar nuk mund të shënojë në fletëvotim ose nuk mund ta hedhë atë në kuti, e kur kjo aftësi kufizim dëshmohet me dokumentacion mjekësor të lëshuar nga specialisti i fushës përkatëse .
2. Votuesi i verbër, i cili aftësinë e dëshmon me dokumentacion mjekësor të lëshuar nga specialisti i fushës përkatëse apo me librezë nga ministria përkatëse, i cili nuk di ta përdorë alfabetin Braille.

Dokumentacioni mjekësor nga specialistët përkatës duhet të prezentohet në qendrën e votimit ose te mjeku familjar dhe mjeku i përgjithshëm për të marrë raport të ri mjekësor në QKMF ose QMF.

Nëse nuk posedoni raporte mjekësore nga specialistët përkatës (neurologu, ortopedi, fiziatri, oftalmologu apo specialistë të tjerë përkatës), nuk mund të merrni raport të ri mjekësor nga mjekët e QKMF-së ose QMF-së.

VËMENDJE:
- Përpos këtyre rasteve, asnjë kategori tjetër nuk bën pjesë në votimin me asistencë.
- Votimi me asistencë nuk lejohet nëse aftësia e kufizuar nuk dëshmohet me dokumentacion mjekësor përkatës.
- QKMF-ja nuk mund të lëshojë raporte mjekësore në kundërshtim me kriteret dhe procedurat e përcaktuara nga KQZ.

Kërkojmë nga të gjithë qytetarët mirëkuptim dhe bashkëpunim në zbatimin e këtyre procedurave, të cilat bazohen në dispozitat ligjore në fuqi dhe udhëzimet e KQZ-së.
QKMF-ja është e obliguar t’i zbatojë këto kritere në mënyrë të barabartë për të gjithë qytetarët.

Faleminderit për mirëkuptimin dhe bashkëpunimin tuaj!

Sot, në kuadër të Zhvillimit të Vazhdueshëm Profesional (ZhVP), u mbajt ligjërata e radhës nga Dr. Amir Krasniqi me temë...
02/06/2026

Sot, në kuadër të Zhvillimit të Vazhdueshëm Profesional (ZhVP), u mbajt ligjërata e radhës nga Dr. Amir Krasniqi me temën “Edema pulmonale”.
Edema pulmonale është një urgjencë mjekësore që karakterizohet nga grumbullimi i lëngut në mushkëri, duke penguar oksigjenimin normal të gjakut dhe duke shkaktuar vështirësi të theksuara në frymëmarrje. Njohja e hershme e shenjave klinike, diagnostikimi i shpejtë dhe trajtimi adekuat janë vendimtarë për përmirësimin e ecurisë dhe mbijetesës së pacientëve.
Ligjërata e Dr. Amir Krasniqit trajtoi aspektet kryesore të etiologjisë, prezantimit klinik, diagnostikimit dhe menaxhimit të edemës pulmonale, duke ofruar njohuri të dobishme dhe praktike për profesionistët shëndetësorë në kujdesin e përditshëm ndaj pacientëve.

QKMF sot shënoi Ditën Botërore Kundër Duhanit – 31 MajSot, me rastin e Ditës Botërore Kundër Duhanit, QKMF realizoi akti...
29/05/2026

QKMF sot shënoi Ditën Botërore Kundër Duhanit – 31 Maj

Sot, me rastin e Ditës Botërore Kundër Duhanit, QKMF realizoi aktivitete edukativo-shëndetësore me qëllim të promovimit të jetesës së shëndetshme, parandalimit të përdorimit të duhanit dhe rritjes së vetëdijes së qytetarëve për pasojat shëndetësore të konsumimit të produkteve të duhanit dhe nikotinës.

Aktivitetet u zhvilluan në të gjitha qendrat e Mjekësisë Familjare nga stafi mjekësor dhe infermieror, duke përfshirë:

▪️ Ofrimin e këshillave profesionale dhe informatave shëndetësore për pacientët dhe komunitetin lidhur me efektet e dëmshme të duhanit dhe përfitimet nga ndërprerja e tij
▪️ Vendosjen e posterëve edukativë dhe materialeve sensibilizuese në të gjitha qendrat e Mjekësisë Familjare
▪️ Shpërndarjen e fletëpalosjeve informuese dhe edukative për parandalimin e përdorimit të duhanit dhe promovimin e jetesës së shëndetshme
▪️ Mbajtjen e ligjëratave edukative në komunitet dhe në institucionet e arsimit të mesëm:
– Gjimnazi “Hivzi Sulejmani”
– Shkolla e Mesme Ekonomiko-Juridike
– Shkolla e Mesme Teknike

Dita Botërore Kundër Duhanit shënohet çdo vit më 31 maj nga World Health Organization, me synim rritjen e vetëdijes globale për dëmet që shkakton përdorimi i duhanit dhe ekspozimi ndaj nikotinës.

Përdorimi i duhanit mbetet një ndër faktorët kryesorë të rrezikut për sëmundjet kronike jo-ngjitëse, përfshirë sëmundjet kardiovaskulare, respiratore dhe sëmundjet malinje, ndërsa ndërprerja e tij sjell përfitime të rëndësishme për shëndetin individual dhe publik.

Përmes këtyre aktiviteteve, QKMF ritheksoi përkushtimin institucional në promovimin e shëndetit, edukimin e komunitetit dhe fuqizimin e masave parandaluese në mbrojtje të shëndetit publik.

“Çdo cigare e refuzuar është një hap më shumë drejt shëndetit, jetës dhe së ardhmes më të sigurt. Kujdesi për shëndetin fillon me zgjedhjet që bëjmë sot.”

🚭 “Mbro shëndetin – zgjidh një jetë pa duhan.”

Address

Rruga E Pejës
Fushë Kosovë
12000

Telephone

+38338535879

Website

Alerts

Be the first to know and let us send you an email when QKMF dr.Fatmir Krasniqi - Fushe Kosove - Faqja Zyrtare posts news and promotions. Your email address will not be used for any other purpose, and you can unsubscribe at any time.

Shortcuts

Share

Category