BioGeeks-ALG

Site Web

BioGeeks-ALG Informations de contact, plan et itinéraire, formulaire de contact, heures d'ouverture, services, évaluations, photos, vidéos et annonces de BioGeeks-ALG, Algiers.

المنصة الرائدة في العلوم البيولوجية والبيوتكنولوجيا بالجزائر 🔬🧪🧫🧬
🎯 نهتم بـ: أحدث الأبحاث | تقنيات المخابر الطبية والصناعية | وأنظمة الجودة والسلامة للمجال الطبي، الدوائي والغذائي.
💼 للمصانع والمخابر: للاستشارات والتعاقد المهني مع مؤسس المنصة 👇🏻

🔴 تحدي موجه للـ Biologist وأي شخص يفهم في DNA 🧬😍كل واحد منا عندو بصمات وراثية تقدر تميزو عن أي شخص آخر… حتى لو كان يشبهو...
26/09/2026

🔴 تحدي موجه للـ Biologist وأي شخص يفهم في DNA 🧬😍

كل واحد منا عندو بصمات وراثية تقدر تميزو عن أي شخص آخر… حتى لو كان يشبهو بزاااف 👀

لكن السؤال هو: شحال كاين من بصمة وراثية تميز الإنسان عن غيره ؟ 🤔
2 ؟ 4 ؟ 6 ؟ ولا أكثر ؟

ماتبحثش في الإنترنت… خمن وحدك 👌🏻

اكتب إجابتك في التعليقات... خلونا نشوفو شكون يجيبها من أول محاولة 😁



BioGeeks-ALG 🔬 🧬 👩🏼‍🔬 👨🏻‍🔬

🔸 من الأخبار العلمية اللي شدت انتباهي مؤخراً... باحثون قدروا لأول مرة يحذفوا chromosome كامل زائد من خلايا بشرية باستخدا...
26/09/2026

🔸 من الأخبار العلمية اللي شدت انتباهي مؤخراً... باحثون قدروا لأول مرة يحذفوا chromosome كامل زائد من خلايا بشرية باستخدام تقنية CRISPR-Cas9 ⁉️

الدراسة أجراها فريق من جامعة Mie اليابانية ، ونشرت في مجلة PNAS Nexus في فيفري 2025.

الفكرة مرتبطة بمتلازمة داون "Down syndrome" ، اللي تنتج في أغلب الحالات عن وجود 3 نسخ من الكروموسوم 21 بدل نسختين ، وهي الحالة المعروفة بـ Trisomy 21.

المثير في الدراسة أن الباحثين ما استهدفوش جيناً معيناً داخل الكروموسوم ، وإنما حاولوا استهداف النسخة الزائدة من الكروموسوم 21 نفسه.

استخدموا CRISPR-Cas9 لإحداث قطوع في عدة مواقع على الكروموسوم المستهدف ، بهدف مساعدة الخلية على التخلص منه.

وفي بعض التجارب ، وصلت نسبة التخلص من الكروموسوم المستهدف إلى حوالي 37.5%.

بعد ذلك ، لاحظ الباحثون أن الخلايا التي فقدت النسخة الزائدة وأصبحت تحتوي على نسختين من الكروموسوم 21 أظهرت تغيرات في عدة خصائص ، من بينها التعبير الجيني ، نمو الخلايا ، والاستجابة للإجهاد التأكسدي.

كما اختبروا الاستراتيجية على أنواع مختلفة من الخلايا ، بما فيها خلايا متمايزة وخلايا غير منقسمة.

وهنا لازم نوضح نقطة مهمة جداً:

هذه الدراسة ليست علاجاً لمتلازمة داون ، ولم يتم تطبيق التقنية على البشر.

العمل مازال في مرحلة التجارب المخبرية وعلى مستوى الخلايا ، وهناك الكثير من الأسئلة المتعلقة بالدقة والسلامة والتأثيرات غير المقصودة قبل التفكير في أي تطبيق علاجي.

لكن من الناحية العلمية ، الشيء اللافت هنا هو أن الباحثين يحاولون الانتقال من مفهوم تحرير جين محدد إلى التعامل مع كروموسوم كامل.

وهذا يفتح مجالاً مثيراً جداً لأبحاث الأمراض المرتبطة باضطرابات عدد الكروموسومات.

بمعنى آخر ، الدراسة لا تقول لنا إن علاجاً جديداً أصبح متاحاً ، لكنها تعطينا دليلاً على أن التعامل مع كروموسوم كامل داخل الخلية قد يكون ممكنًا من حيث المبدأ.

وهذا وحده تطور يستحق المتابعة 👌🏻💯

📚 المصدر: جامعة Mie اليابانية + الدراسة الأصلية المنشورة في PNAS Nexus تجدونها في أول تعليق 👇🏻

🖊️

BioGeeks-ALG 🔬 🧬 👩🏼‍🔬 👨🏻‍🔬

🔴 ياااا نااااس... صالار تاع 2 ملايين ونص راهو هو الحد الأدنى للأجور (SMIC) في الجزائر حسب القوانين والمراسيم... ولازم تع...
25/09/2026

🔴 ياااا نااااس... صالار تاع 2 ملايين ونص راهو هو الحد الأدنى للأجور (SMIC) في الجزائر حسب القوانين والمراسيم... ولازم تعرفوا بلي في جميع دول العالم ، الحد الأدنى للأجور (SMIC) يدوه اللي ماقراوش وماعندهمش مستوى دراسي ، يعني العاملين في المهن العادية مثل: عمال المطاعم والمقاهي ، عمال محلات المواد الغذائية ، عمال البناء ، الخ من الأعمال.

اما لي عندهم شهادة من التكوين المهني تلقاهم عالميا راتبهم زايد على اللي ماقراوش ڨاع بنسبة تقدر بـ 50% ، يعني مثلا عامل عادي راتبه 25000دج ، لي عندو تكوين مهني راتبه 50000دج.... اما الأشخاص لي عندهم شهادة جامعية فأدنى راتب يتقاضونه يزيد عن راتب اصحاب التكوين المهني بنسبة تقدر بـ 40% اي 70000دج... وهكذا كلما ارتفع مستوى الشهادة يزيد الراتب.

الا عندنا في الجزائر تلقى العاملين في الاعمال العادية مثل العاملين في محلات المواد الغذائية والمقاهي يتقاضون رواتب تلحق إلى 40000دج شهريا ، واللي عندهم شهادة الليسانس أو الماستر وخاصة البنات تلقى بزاااف منهن يخلصوا في 25000دج شهريا... هل هذا معقول ، هل هذا الأمر يتقبله العقل!!!!

البروبلام لكبير أنو يخدمو في خدمة تاع تخصصهم وفي قطاعات حيوية تدر أموال طائلة عن اصحابها گ مخابر التحاليل الطبية وشركات الصناعات الغذائية ، ومخابر مراقبة الجودة...

فيقو يااااا ناااااس فيقوووو على رواحكم ، راكم تخدمـو كالعبيـــــد!!!!

25/09/2026

في وقتنا تاع دوك ، ولى التمرميد بزوج دورو في الشركات والمخابر يسموه Expérience 🤣

🔴 شحال لازم يكون المصروف اليومي للأطفال والشباب في الجزائر ⁉️👇🏻في رأيي ، الطفل لازم يتعلم قيمة المال والاستقلالية المالي...
24/09/2026

🔴 شحال لازم يكون المصروف اليومي للأطفال والشباب في الجزائر ⁉️👇🏻

في رأيي ، الطفل لازم يتعلم قيمة المال والاستقلالية المالية من صغرو ، والمصروف اليومي يقدر يكون أول درس في هذا الشي.

هذا هو التصور الشخصي تاعي للمبلغ اليومي حسب المستوى الدراسي 👇🏻

👈🏻 قبل الابتدائي: 10 دج
👈🏻 أولى ابتدائي: 20 دج
👈🏻 الثانية: 30 دج
👈🏻 الثالثة: 40 دج
👈🏻 الرابعة: 50 دج
👈🏻 الخامسة: 70 دج

👈🏻 أولى متوسط: 100 دج
👈🏻 الثانية: 120 دج
👈🏻 الثالثة: 140 دج
👈🏻 الرابعة: 200 دج

👈🏻 أولى ثانوي: 250 دج
👈🏻 الثانية: 300 دج
👈🏻 الثالثة: 400 دج

👈🏻 أولى جامعي: 500 دج
👈🏻 الثانية: 700 دج
👈🏻 الثالثة: 1000 دج
👈🏻 أولى ماستر: 1200 دج
👈🏻 الثانية ماستر: 1400 دج

هاذي المبالغ تكون غير في أيام الدراسة.

أما في العطل والويكاند ، فالفكرة تكون مختلفة... يقدرو الوالدين يديرو منح إضافية مرتبطة بأهداف محددة ، يحددوها مسبقا مع أولادهم... مثلاً:
👈🏻 إكمال كتاب أو تكوين
👈🏻 الالتزام بنشاط رياضي
👈🏻 تعلم مهارة أو لغة جديدة
👈🏻 إنجاز مشروع صغير
👈🏻 تحقيق هدف شخصي أو دراسي

يعني الطفل يتعلم بلي المال ماشي غير حاجة نطلبوها… المال يقدر يكون نتيجة لهدف ، جهد والتزام.

والفكرة ماشي شحال تعطي لولدك… الفكرة واش راك تعلمو بهذا المال.

وبعد التخرج ، في رأيي ، لازم الشاب يحاول يخدم في تخصصو ، وإذا مالقاهاش ، يبدأ بأي خدمة محترمة بدل مايبقى يستنى والديه يصرفو عليه.

وإذا الوالدين ميسورين ، الدعم الحقيقي ماشي أنهم يبقاو يصرفو عليه طول حياتو… الدعم الحقيقي هو يعاونوه يوقف على رجليه: تكوين ، مشروع ، أدوات عمل ، أو بداية مهنية... وبعدها يخلوه يبني حياتو بنفسو.

ونتوما وش رأيكم... لو كان عندك ولد/بنت في كل مرحلة من هاذي المراحل… شحال تعطيه/تعطيها يومياً ؟

وهل تشوفو بلي المصروف + منح مرتبطة بالأهداف يقدرو يربيو طفل مسؤول ومستقل مالياً ؟ 👇🏻

🖊️

BioGeeks-ALG 🔬 🧬 👩🏼‍🔬 👨🏻‍🔬

♦️ اليوم وصلتني رسالة ماكنتش متوقعها ڨاع…طبيبة ، صاحبة Laboratoire d'analyses médicales في تونس 🇹🇳 تواصلت معايا وقالتلي:...
24/09/2026

♦️ اليوم وصلتني رسالة ماكنتش متوقعها ڨاع…

طبيبة ، صاحبة Laboratoire d'analyses médicales في تونس 🇹🇳 تواصلت معايا وقالتلي: "أنا نتابع صفحتك من حوالي ثلاثة سنوات ، ونشوف المحتوى والخدمة اللي راك تقدم فيها... وحبيت نتواصل معاك بخصوص فرصة عمل في laboratoire متاعي."

قريت الرسالة مرة… وبعد عاودت قريتها 😅

جاوبتها بكل صراحة وقلت لها بلي حاليا راني نخدم في شركة مختصة في industries pharmaceutiques في الجزائر ، وبلي العرض يهمني ونحب نعرف أكثر على طبيعة العمل ، المسؤوليات والراتب.

ومن هنا بدات المحادثة… بصراحة ، أكثر حاجة خلاتني نفكر ماشي غير في العرض ، وإنما في العقلية وراء العرض.

تخيل طبيبة ماتعرفكش شخصيا ، من دولة أخرى ، تتابع خدمتك لمدة 3 سنوات ، تشوف المحتوى اللي تقدمو ، ومن بعد في وقت معين تقول: "هذا الشخص ممكن يكون مناسب ، نخليه يجرب."

وهنا رجعت نفكر في واقعنا… مرات تلقى شاب عندو شهادة ، تخصص ، طموح ، وحتى استعداد يتعلم ، وأول سؤال يتقالو: "عندك خبرة؟"

بصح إذا كل واحد يشترط الخبرة قبل مايعطي الفرصة… منين راح يجيب الشاب هاذيك الخبرة ؟

يمكن هذا هو الفرق اللي لاحظتو بين بعض العقليات هنا وهناك... كاين اللي يشوف فيك واش تقدر تولي ، وكاين اللي يشوف غير واش عندك اليوم.

حاليا أنا نخدم في الجزائر ، وبالتالي ماشي رايح نقول بلي لازم نروح لتونس مباشرة... بالعكس ، راح ندرس العرض مليح ، خاصة وأن الراتب المقترح مليح.

لكن حاجة وحدة تأكدت منها اليوم اللي هي أنو خدمتك اللي تديرها بصمت لسنوات ، ممكن في لحظة معينة توصل لشخص ماكنتش حاسب حسابو… وتفتحلك باب ماكنتش تتوقعو.

خلي نشوفو وين تروح الحكاية 🇩🇿♥️🇹🇳

نتوما برأيكم ، واش أهم: الشهادة والخبرة فقط ، ولا الشخص اللي يعطيك فرصة باش تثبت واش تقدر تدير ؟

🖊️

BioGeeks-ALG 🔬 🧬👩🏼‍🔬 👨🏻‍🔬

24/09/2026

🔴🔴 #هــــام
رزنامة تنظيم مسابقة الالتحاق بالتكوين في الطور الثالث في إطار مدرسة دكتوراه وطنية في "العلوم الصيدلانية والبيوتكنولوجيا والابتكار العلاجي" بعنوان السنة الجامعية 2026-2027

المنظمة من طرف الجامعات هواري بومدين للعلوم والتكنولوجيا ، علوم الصحة بالجزائر ، البليدة(1) ، تيزي وزو ، بجاية والمدية.

تجدون جميع التفاصيل بالتعليق الأول 👇🏻



BioGeeks-ALG 🔬 🧬 👩🏼‍🔬 👨🏻‍🔬

🔸 أول من شاهد البكتيريا 🦠هو Antonie van Leeuwenhoek (أنطوني فان ليفينهوك) (1632–1723)كان تاجر أقمشة من دلفت الهولندية ول...
23/09/2026

🔸 أول من شاهد البكتيريا 🦠

هو Antonie van Leeuwenhoek (أنطوني فان ليفينهوك) (1632–1723)
كان تاجر أقمشة من دلفت الهولندية ولم يحصل على تعليم جامعي أو تدريب علمي.

بدأ باستخدام العدسات لفحص الأقمشة ، ثم صنع مجاهر بسيطة ذات عدسة واحدة ، وكانت بعض أجهزته قادرة على تكبير يقارب 200–300 مرة.

بدأ إرسال ملاحظاته إلى الجمعية الملكية البريطانية منذ سبعينيات القرن السابع عشر.

وأشهر رسالة مرتبطة باكتشاف الكائنات المجهرية تعود إلى 9 أكتوبر 1676 ، وفيها وصف كائنات دقيقة في ماء منقوع بالفلفلة ، ويعتقد أن بعضها كان بكتيريا.

لكنه لم يكن يعرف أنها بكتيريا ، ولم يكن يملك تصنيفاً ميكروبيولوجياً بالمفهوم الحديث... ومع ذلك ، رأى ووصف الكائنات الأولية ، وخلايا الدم الحمراء ، والحيوانات المنوية ، والدورة الدموية في الشعيرات الدموية.

ثم نظر إلى البلاك المتراكم على أسنانه ، فرأى شيئاً مذهلاً: كائنات مجهرية صغيرة تتحرك أمام عينيه…

كتب رسائل مفصلة للغاية ، وأرسلها إلى الجمعية الملكية ، التي ترجمت ونشرت أجزاء منها.

والأغرب أنه لم يكشف بشكل كامل عن أسرار صناعة عدساته حينها... فقد صنع اكثر من 500 من المجاهر ، ولم يبق منها اليوم سوى نحو 12 جهاراً.

🖊️

BioGeeks-ALG 🔬 🧬 👩🏼‍🔬 👨🏻‍🔬

23/09/2026

🔴 سؤال إلى Biologists 👩🏼‍🔬👨🏻‍🔬الجزائريين 🇩🇿
بصراحة… راك(ي) تخمم(ي) في الهجرة ؟ ✈️🌍
نعم ولالا ؟ 👇🏻

23/09/2026

🔴🔴 #هـــام | للطلبة الجدد بالسنة أولى "SNV" وكذلك لطلبة باقي السنوات 👩🏼‍🔬👨🏻‍🔬

بمناسبة الدخول الجامعي ، سننشر وبشكل مجاني كتاب مهم في البيولوجيا وسيكون هذا العرض لفترة محدودة... إذا كنت مهتم خلي تعليق " #مهتم/ #مهتمة" 👇🏻👇🏻
وبعد ساعات سنرسل لكم رسالة بها رابط الكتاب.

BioGeeks-ALG 🔬 🧬 👩🏼‍🔬 👨🏻‍🔬

Adresse

Algiers

Site Web

,

Notifications

Soyez le premier à savoir et laissez-nous vous envoyer un courriel lorsque BioGeeks-ALG publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.

Raccourcis

Partager