09/03/2026
🔴 أهم ثلاث معلومات لازم تعرفعا قبل ما تشتري جنبية عشان تضمن جودة ممتازة وما تنغش في السوق:
1️⃣ أول حاجة : نوع السيم (الحزام):
السيم يجي أربعة أنواع: فرنسي – هندي – صيني – فتلة.
1- السيم الفرنسي خيط فضة مع ذهب أصلي، وأسعاره غالباً تبدأ من 100 ألف إلى 300 ألف وأكثر. وإذا شفت حزام في النت بيسوقوا له أنه فرنسي وسعره أقل من هذا ، فهذا كذب وكلام غير صحيح.
2- السيم الهندي يجي درجات، وأسعاره تقريباً من 25 ألف إلى 50 ألف حسب النقش وجودة السيم .
3- السيم الصيني منتشر في السوق، وفيه درجات، وبعضها ممتاز لأنه ما يسوّد بسرعة وسعره مناسب جدا .
4- الفتلة خيط قطن أصفر، ما يسوّد لكنه ما يعطي لمعة نفس السيم.
2️⃣ ثاني حاجة : نوع العسيب (الغمد):
انتبه لنوع الخشب داخل العسيب ماعليك من الشكل الخارجي :
أفضل نوع هو خشب الطنب (العشار) لأنه أقوى وأجودوأخف وما بنكسر بسهولة بس يجي غالي شوية .
بعده الخشب السويدي وهو مناسب جدا للجميع مقارنة سعر وجودة، وتأكد من التاجر هل العسيب قطعة خشب واحدة أو مجمّع بالغراء لأن المجمع ممكن يكتسر بسرعة.
3️⃣ ثالث نقطة : رأس الجنبية:
الأنواع الأصلية مثل الصيفاني والمحدني والعزيزي وغيره أسعارها مرتفعة جداً وما شا أتكلم عنها .
أما من الأنواع المقلدة، فأفضل خيار من حيث الجودة مقابل السعر هو المحبشي، خصوصاً الدرجة الثالثة لأنه يعطي شكل جميل وسعر مناسب وفي متناول الجميع .
وفي الأخير
لا تنسى تتأكد من الحلقات المعدنية المركبة في الحزام ضروري تكون سميكة وقوية ومقاومة للصدأ حتى تدوم معاك .
📍إذا حاب تشتري جنبية مضمونة أو أي من مستلزماتها ، تفضل بزيارة متجرنا، متجر هنجمة نوفر لك كل اللي تحتاجه بجودة عالية وسعر مناسب .
نوفر تشكيلة واسعة من الجنابي، الأحزمة، والعسيب بأفضل جودة وخيارات تناسب الجميع.
تواصلوا معنا عبر الدايركت في الصفحة أو عبر الواتساب 782222214
