Ons Spesiale Storie

10/06/2026

As jy gisteraand se gesprek oor outisme gemis het, kan jy dit hier kyk.

Dankie aan Gretha Wiid vir die geleentheid om ons storie te deel en saam bewusmaking te skep.

Alle eer aan ons Vader wat hierdie moontlik gemaak het. Mag U naam verheerlik word🙏🏻

09/06/2026

Ek en ’n paar ander mammas het die groot voorreg om vanaand om 20:00 saam met Gretha Wiid oor outisme te gesels.

Ons doel is eenvoudig: om saam meer te leer, beter te verstaan en bewusmaking te skep oor die werklikhede waarmee soveel gesinne daagliks leef.

Dankie Gretha Wiid vir hierdie wonderlike geleentheid om ons storie te deel.

Kuier vanaand saam. Hierdie gaan BAIE insiggewend wees!

06/06/2026

Stel jou alarm vir Dinsdag 20:00 - moet dit nie mis nie💙❤️💛

Ek doen hierdie komende Dinsdag n LIVE oor neurodiverse kinders, spesifiek oor outisme en kinders op die spektrum.

Indien jy n kind het op die spektrum...
Wat is die grootste uitdaging in jou familie en vriendekring?
Hoe hanteer jy die ander boeties en sussies wat dalk nie verstaan dat die outistiese sibling anders gedissiplineer word?
Wat is jou grootste uitdaging met onderwysers, indien jou kind in hoofstroom skoolgaan?
Beïnvloed dit jou huwelik?
Het julle al vriende verloor, bloot omdat hulle nie jou kind verstaan nie?
Wat is, volgens jou, die grootste mite oor outisme?

Jy kan jou ervaring deel in die kommentaar, of vir my n persoonlike boodskap DM, of iets deel via e-pos op [email protected].

Ek wil regtig hoor en help om ander ouers te help verstaan.

Sien julle Dinsdag 20:00.

26/05/2026

Baie mense vra vir my:
“Hoe kan ek ’n outistiese kind in die klaskamer beter ondersteun?”

Daarom hierdie video. 🤍

Klein goedjies maak dikwels die grootste verskil — begrip, geduld, rustigheid en om raak te sien wanneer ’n kind oorweldig voel.
Nie elke outistiese kind lyk of reageer dieselfde nie, maar elkeen verdien om verstaan en ondersteun te word.

Dankie Tilana dat jy help om meer bewusmaking te skep rondom outisme.

22/05/2026

https://maroelamedia.co.za/leefstyl/ouerskap/luister-hoe-kies-ek-n-skool-vir-my-outistiese-kind/?fbclid=IwY2xjawR8SFRleHRuA2FlbQIxMQBzcnRjBmFwcF9pZAwzNTA2ODU1MzE3MjgAAR557UVS41kYqGwL3Pre36qicKIpt9dU1H68BC0exFX-_JblAZzcAhxfHS1m4w_aem_IkScQ7o_N07OxU7pk24EjQ

Om die regte skool vir ʼn kind op die outismespektrum te kry, kan ʼn reuse-uitdaging wees as ʼn ouer nie weet waar om te begin nie, sê prof. Suzanne Bester.

10/05/2026

Gisteraand lê ek wakker in my bed. Ek bid vir die soveelste keer en vra vir God om tog my seuntjie te laat praat. Ek wonder so baie hoe dit sal wees om met hom ’n gesprek te voer. Ek wonder wat hy d**k en wat in sy kop aangaan.

Daar is soveel waarop ons uitmis - tog is ek net te dankbaar dat God my die kans gegee het om ’n mamma te wees, al kom dit met uitdagings.

Wees vandag dankbaar as jou kind vir jou kon sê: “Gelukkige Moedersdag, Mamma.” Om eerste oor die wenstreep te wees of in die top 10 van die skool se akademie te wees, is nie die belangrikste ding nie — gelukkige en gesonde kinders is.

Vir alle mammas wat ’n moeilike pad stap — bly net vertrou op God. Al voel jy soms alleen en het jy so baie vrae, Hy gee altyd krag en dra jou deur die moeilike tye.

Gelukkige Moedersdag.

06/05/2026

Net omdat ’n kind nie praat nie, beteken dit nie hy/sy verstaan nie.

Baie outistiese kinders verstaan veel meer as wat mense besef — hulle ervaar emosies, hoor gesprekke en besef hoe mense met hulle of oor hulle praat.

Wat ons van buite af sien, vertel nie altyd die hele storie nie.

20/04/2026

Jy raak vir ’n oomblik besig…en hy is weg.

Dis hoe vinnig dit met Pieter kan gebeur. Hy is nuuskierig, hy beweeg vinnig, en soms besef hy nie eers hy is nie meer by ons nie.
Op vakansie by die see het dit een keer by ons woonstelblok gebeur… daardie paar minute waar jy jou kind nie kan kry nie, voel soos ’n leeftyd.

Dis juis hoekom ek hierdie pamflet ontwerp het.
Met ’n dubbele doel 💛
👉 Om mense meer bewus te maak van outisme.
👉 En om vinnig belangrike inligting oor die kind met ander te kan deel.

Baie van ons kinders op die outismespektrum dwaal rond.
En dan is dit so belangrik dat mense rondom hulle verstaan wat aangaan.

🙏 ’n Paar besighede het ingestem om vir April (outisme maand) spesiale pryse op A5 kleur pamflette te doen as enige mamma ook so iets vir haar kind wil laat druk.

"Click" op die Google Drive link hieronder om die pamflet af te laai.

https://drive.google.com/file/d/15WwjTQOj6ieCjbNnw2_ixI68C-J25Brq/view?usp=sharing

Postlink
Nelson Mandela & Parys Ave
Baillie Park
Potchefstroom
2531
Tel: 050 021 6533

Trendy Me
22 De Ridder St
Brits
0250
Tel: 072 566 0453

Print Unlimited by Hanro
27 Dr Nelson Mandela Dr
Lichtenburg
2740
Tel: 071 280 6075

10/04/2026

🐻 Elke kind se sensoriese profiel is uniek

Deur die lens van Winnie the Pooh kan ons begin sien hoe verskillend elke kind se ervaring van die wêreld is — en hoekom hulle reageer soos hulle doen.

Wanneer ons dit raaksien, verander alles:
van frustrasie… na begrip 💛

✨ Hierdie is weer ’n kort uittreksel uit ’n langer video oor sensoriese regulering.
📌 Die volle video is reeds op my blad beskikbaar — gaan kyk gerus!

📚 Erkenning:
Cook, R.A. (2015). Winnie the Pooh & the Characters in the Hundred Acre Wood as a Tool for Self-Reflection. SAISI Newsletter, 25(1).

16/12/2025

Ek verstaan dit so goed. Elke storie soos hierdie help om begrip te bou vir kinders met spesiale behoeftes.🤍