20/07/2026
डोंबिवली येथील शास्त्रीनगर महापालिका रूग्णालयातील डॉक्टरांवर झालेल्या हिंसक घटनेबाबत पाथर्डी तालुका निमा व डॉक्टर असोसिएशन तर्फे निषेध
पाथर्डी प्रतिनिधी - डोंबिवली येथील शास्त्रीनगर महापालिका रूग्णालयातील डॉक्टरांवर झालेल्या हिंसक घटनेबाबत नॅशनल इंटिग्रेटेड मेडीकल असोसिएशन (NIIMA) पाथर्डी निमा व पाथर्डी तालुका डॉक्टर्स असोसिएशनच्या वतीने निषेध करण्यात आला.
1) शास्त्रीनगर महापालिकेतील रुग्णालयात झालेल्या प्रकरणी आरोपींवर तातडीने निष्पक्ष कारवाई करण्यात यावी. राजकीय पाठबळ, हस्तक्षेप किंवा दोषीच्या संरक्षण देण्याचा कोणताही प्रयत्न त्वरेने थांबवावा. राजकीय पदांवर असलेल्या व्यक्तींचा अशा क्रूर हत्त्यांमध्ये सहभाग लोकशाहीची मूल्ये आणि नागरिकांच्या न्यायव्यवस्थेवरील विश्वासाला तडा देण्याची बाब आहे. याप्रकरणी कठोर कारवाई करून पिडीतांना त्वरित न्याय मिळावा.
2) राज्यशासनाने केलेल्या महाराष्ट्र मेडिकल सेवा व्यक्ती व मेडिकेयर सेवा संस्था हिंसाचार व मालमत्ता आणि प्रतिबंधक अधिनियम 2010 मध्ये तात्काळ प्रभावी सुधारणा करून त्याचा प्रत्यक्ष वापर व्हावा.
3) अश्याप्रकारच्या घटनेत एफआयआर नोंदणी, गंभीर हल्ले व शस्त्रांच्या वापरासंदर्भातील गुन्हे दखलपात्र व अजामीनपात्र करणे 30 किंवा 60 दिवसात तपास पूर्ण करणे, जलदगती न्यायालयात खटल्यांचा निकाल करणे व
नुकसान भरपाई वसूलीची प्रभावी तरतूद समाविष्ट करण्यात यावी
4) आरोग्यासंस्थांमध्ये राजकीय हस्तक्षेप, धमक्या, दडपशाही, दहशतीचे वातावरण यास तात्काळ प्रतिबंध घालण्यात यावा. रुग्णालये,दवाखाने ही उपचाराची स्थळे असून तेथे कुठल्याही प्रकारचा राजकीय दबाव, बेकायदेशीर हस्तक्षेप तथा गुंडगिरी खपवून घेतली जाणार नाही यासाठी शासनाद्वारे प्रभावी यंत्रणा उभारण्यात यावी.
५) तसेच सर्व डॉक्टर्स,परिचारिका, आरोग्यकर्मचारी,आरोग्यसेवक या सर्वांना सुरक्षित,सन्मानजनक व निर्भय वातावरणात आपल्या सेवा देण्यासाठी समाज ,प्रशासन व कायदेशीर बाबी अनुकूल बनवाव्यात..
आदी मागण्या पाथर्डी निमा व डॉक्टर्स असोसिएशने सदर निवेदनात केल्या आहेत.सदर निवेदन प्रांताधिकारी प्रसाद मते यांनी स्वीकारले.यावेळी तहसीलदार उद्धव नाईक,पाथर्डी नगरपरिषदेचे मुख्याधिकारी संतोष लांडगे
उपजिल्हा रूग्णालयाचे वैद्यकीय अधीक्षक डॉ.सचिन दरंदले,ज्येष्ठ वैद्यकीय व्यावसायिक डॉ.विलास बाहेती,मा.नगराध्यक्ष डॉ.मृत्युंजय गर्जे,मा.नगरसेवक डॉ.दीपक देशमुख,डॉ.अभय भंडारी,डॉ.सुहास उरणकर,पाथर्डी निमाचे अध्यक्ष डॉ.श्रीधर देशमुख,डॉ.रणजित वाघ,डॉ.आरती जायभाये,डॉ.ज्योती देशमुख,डॉ.अंबिका वाघचौरे,डॉ.सुरेखा लोखंडे,नगरसेवक डॉ.जगदीश मुने,डॉ.भाऊसाहेब लांडे,डॉ.शिरीष जोशी,डॉ.सचिन खेडकर,डॉ.सागर भापकर,डॉ.संदीप पवार,डॉ.प्रमोद सुपेकर,डॉ.बाळकृष्ण जवरे,डॉ.ओंकार दातीर आदी पाथर्डीतील सर्वच डॉक्टरांची उपस्थिती होती.
#डॉ_श्रीधर_मधुकर_देशमुख
