20/05/2026
⚠️🌧️ වැස්සත් එක්ක එන "මී උණ" ගැන ඔබත් දැනුවත්ද? ⚠️
මේ දිනවල අදික වැසි නිසා ගොඩක් තැන්වල වතුර පිරිලා, ගංවතුර තත්ත්වයන් පවා දකින්න පුලුවන්. මේ වගේ කාලයකදී අපිට ඉතාම පහසුවෙන් වගේම වේගයෙන් පැතිරෙන්න පුළුවන් භයානක රෝගයක් තමයි "මී උණ" (Leptospirosis).
🤔 මී උණ හැදෙන්නේ කොහොමද?
මේ රෝගය ඇති වෙන්නේ මීයන්, ඌරන්, ගවයන් වැනි සතුන්ගේ මුත්රා මඟින් අපිරිසිදු වූ ජලය හෝ මඩ හරහායි.
අපේ ශරීරයේ තියෙන කැපුම්, තුවාල, සීරීම් හරහා මේ බැක්ටීරියාව ඉතා ලෙහෙසියෙන් ශරීරගත වෙන්න පුළුවන්.
ඒ වගේම, ඇස්, නාසය වැනි සංවේදී තැන් හරහාත් මේ බැක්ටීරියාව ඇතුළු වෙන්න ඉඩ තිබෙනවා.
විශේෂයෙන්ම, වතුර පිරුණු කුඹුරු, කාණු, හෝ ගංවතුර මඩ සහිත තැන්වල වැඩ කරන අයට මේ අවදානම වැඩියි.
🚨 මී උණේ ප්රධාන රෝග ලක්ෂණ මොනවාද?
තද උණ සහ අධික හිසරදය
පේශිවල (ඇඟපතේ) තදබල වේදනාව (විශේෂයෙන්ම කකුල්වල කෙණ්ඩ ප්රදේශයේ සහ අත්වල)
ඇස් රතු වීම
වමනය සහ අධික තෙහෙට්ටුව (මහන්සිය)
🛡️ මී උණෙන් ආරක්ෂා වෙන්නේ කොහොමද?
අනවශ්ය ලෙස ජලයට බැසීමෙන් වළකින්න (හැකි තාක් දුරට ගංවතුර, මඩ සහිත හෝ රැඳී පවතින ජලයේ ගැවසීමෙන් වළකින්න.)
ආරක්ෂිත පියවර අනුගමනය කරන්න (කුඹුරු වැඩ කරන විට, කාණු සුද්ධ කරන විට හෝ කෘෂිකාර්මික කටයුතුවලදී අත් වැසුම් (Gloves) සහ දිගු රබර් සපත්තු (Boots) අනිවාර්යයෙන්ම පාවිච්චි කරන්න.)
වෛද්ය උපදෙස් ලබාගන්න (ඔබ අවදානම් සහිත ජලයේ හෝ මඩේ ගැවසුණු අයෙක් නම් සහ ඉහත ලක්ෂණ මතු වේ නම්, පමා නොවී වහාම රජයේ රෝහලකට හෝ සුදුසුකම් ලත් වෛද්යවරයකු වෙත යන්න. කුඹුරට බසින්නට පෙර අවශ්ය නම් වෛද්ය උපදෙස් මත පූර්ව ආරක්ෂිත ප්රතිජීවක ඖෂධ ලබාගත හැකි බවත් මතක තබාගන්න.)
💡 මතක තබාගන්න:
මී උණ යනු මුල් අවධියේදීම හඳුනා ගැනීමෙන් සම්පූර්ණයෙන්ම සුව කළ හැකි රෝගයකි. නමුත්, මෙය නොසලකා හැරීම ජීවිතයට පවා අවදානමක් ගෙන දිය හැකි බැවින් ප්රවේශම් වන්න.
ඔබත් ඔබේ පවුලේ අයත් පරිස්සමෙන් ඉන්න! ❤️
