CMCM

04/09/2026

Broschtkriibslaf 2026

📅 Den 3. Oktober 2026 organiséiert Europa Donna Luxembourg asbl och dëst Joer den traditionelle Broschtkriibslaf fir op den Broschtkriibs opmierksam ze maachen a fir d’Leit ze sensibiliséieren.

🏃‍♀️ Jidderee kann déi 5 km a sengem Rhythmus lafen, joggen oder trëppelen. Et geet ëm dat gemeinsaamt Engagement fir d'Preventioun an d'Ënnerstëtzung vu Persounen, déi vu Broschtkriibs betraff sinn. Mir freeën eis dës wichteg Initiativ och dëst Joer nees als Haaptsponsor z’ënnerstëtzen.💗

📍 Parc de Hesperange
📅 3. Oktober 2026
⏰ Depart: 10:00 Auer

👉 Loscht dobäi ze sinn? Hei kanns du dech aschreiwen:
https://www.broschtkriibslaf.lu/

02/09/2026

🔒 Däi Feedback a gudden Hänn!

Wéi ass deng medezinesch Behandlung zu Lëtzebuerg oder am Ausland verlaf?
Deel eis deng Erfarung iwwer eisen Online-Froebou mat!

Deng Donnéeë gi vertraulech traitéiert a mat dengem Averständnis, kann eis Ekipp Qualitéit & Parcours Santé mat dir a Kontakt triede fir iwwer deng Erfarung ze schwätzen.

👉 Eisen Online-Froebou fënns du op myCMCM oder iwwer dëse Link:
https://forms.cloud.microsoft/e/9hChnKfAXE

💬 Maach mat - däi Feedback mécht den Ënnerscheed.

30/08/2026

Weess du eigentlech, wats du alles mat der neier myCMCM-App maache kanns? 📱

Zum Beispill, wéis du deng Demanden eraschécke kanns oder wous du däi Certificat fir d'Steiere fënns? 🧾

🚎Komm laanscht bei eisem mobile Büro a kréi deng Äntwerten direkt vun eiser mobiller Ekipp.

Dës Woch fënns du eis hei:
📍 En Donneschden den 03. September zu Diddeleng um Maart bei der Gemeng vun 08h bis 12h
📍 E Freiden de 04. September an der Shopping Mile Nordstrooss zu Maarnech vun 12h bis 18h

🗺️All eis Sortië fënns du op:
ontour.cmcm.lu

👉Komm laanscht, mir freeën eis op dech!

26/08/2026

LËTZ GO GOLD 2026 💛

D’CMCM ass houfreg, Haaptsponsor vum Lëtz Go Gold ze sinn – der solidarescher Course vun der Fondatioun Kriibskrank Kanner (aide aux enfants atteints d'un cancer)🏃‍♀️🏃‍♂️

📅 De 26. September 2026 ass et esou wäit: zesumme lafen, trëppelen a virun allem e wichtegt Zil ënnerstëtzen – d’Fuerschung géint Kannerkriibs.

Mat Strecke vun 1,5 km, 5 km oder 10 km ass fir jiddereen eppes dobäi. Egal ob’s Du aleng matleefs oder trëppels, eng Ekipp grënns oder mat engem Don ënnerstëtz – all Engagement zielt!💛

👉 Maach mat a setz zesumme mat eis en Zeeche vu Solidaritéit!

📍 Lëtzebuerg-Neiduerf / Grünewald
🔗 Umeldung & méi Informatiounen:
https://fundraising.fondatioun.lu/fr/pages/letz-go-gold

24/08/2026

🎤 CMCM Health Talk: Diabetes erkennen a virbeugen - Warnzeeche fréi erkennen

An eisem nächsten CMCM Health Talk erkläert Kerstin Haller vun der Association Luxembourgeoise du Diabète ALD, wéi een Diabetes erkenne kann, wéi eng Warnzeechen et ginn a wat jidderee maache kann, fir virzebeugen. Vill Risikofacteure kënnen erkannt a positiv beaflosst ginn, wann ee se fréi genuch am Bléck huet.

Nom Talk hues du och d’Méiglechkeet, dech gratis op Diabetes testen ze loossen.

📅 Wéini: 23. September 2026 um 13:00 Auer
📍Wou: CMCM Conference Space
🎟️Gratis Entrée

➡️ Umeldung a méi Informatioune fënns du hei:
https://experience.cmcm.lu/lb/kerstin-haller-ald-detecter-et-prevenir-le-diabete/

Mir freeën eis op däi Besuch!

Diabetes entwéckelt sech dacks lues a bleift laang onbemierkt. An dëser Episode schwätze mer doriwwer wéi ee Risikofacteuren erkennt, op wéi eng Symptomer ee soll oppassen a wéi een den Typ-2-Diabetes heiansdo verhënneren oder verzögere kann, mat prakteschen Tipps fir e gesonden Alldag.

19/08/2026

🔍 Deng Meenung ass eis wichteg!

Deel eis deng Erfarung no enger medezinescher Behandlung zu Lëtzebuerg oder am Ausland mat, an hëllef eis esou Verbesserungsméiglechkeeten ze identifizéieren an d’Qualitéit vun eise Servicer fir eis Memberen ze optimiséieren.

Am Kader vun enger globaler an anonymmer Analyse kënne mir esou, gemeinsam mat eise Partner, nach besser op d’Besoine vun eise Memberen agoen.

👉 Maach mat a fëll eisen Online-Froebou hei aus:
https://forms.cloud.microsoft/e/9hChnKfAXE

17/08/2026

👨‍👩‍👧 Verwalt net nëmmen däi Beräich, mee och dee vun dengen Coaffiliéen.
Mat myCMCM behälts du den Iwwerbléck iwwer d'Dossiere vun denger Famill, einfach, sécher an op enger Plaz.
🌐 cmcm.lu/mycmcm

16/08/2026

Hues du Froen iwwert deng CMCM-Memberschaft? 🪪
🏥Zum Beispill, wéi eng Virdeelers du hues a wat am Fall vun enger Hospitalisatioun alles mat ofgedeckt ass?

🚎Komm laanscht bei eise mobile Büro, a kréi deng Äntwerten direkt vun eiser Ekipp.

📍Dës Woch fënns du eis hei:
Den 18. August zu Dikrech um Maart op der Maartplaz
Den 20. August zu Diddeleng um Maart op der Maartplaz

🗺️All eis Sortië fënns du op:
ontour.cmcm.lu

👉Komm laanscht, mir freeën eis op dech!

10/08/2026

⚙️ Administrativ Demarchen? Adress geännert? Nei Bankverbindung? Schoulzertifikat eroplueden? Einfach selwer maachen. Mat myCMCM kanns du vill Ännerungen direkt online maachen, séier an ouni Ëmwee.
🌐 cmcm.lu/mycmcm

05/08/2026

Merci RTL Lëtzebuerg fir dei seier a präzis Meldung. 😎👍🏻

Och wann d'CMCM am Moment wierklech eng nei App an Ëmlaf bréngt, handelt et sech bei der Nofro ëm Memberskaarten ëm eng nei Arnaque vun Onéierlechen. https://www.rtl.lu/news/national/cmcm-mellt-nei-phishing-attack-memberskaarte-mussen-net-erneiert-ginn-927791542?utm_source=facebook