08/03/2026
Norge er på botnen saman med Egypt når det gjeld andelen kvinnelege gründere. Divisjonsdirektør Tina Stiegler i Innovasjon Norge seier at tala er tragiske! Me går faktisk glipp av halvparten av talentbasen i landet når det gjeld oppstartsverksemder og verdiskaping og det har me ikkje råd til. Dette handler også den viktige kvinnedagen om. Eg heier enormt på kvinner som vågar og som vel å satse, og for meg har det vore trygghet og jording i å sjå på dei rå kvinnene i min eigen familie: oldemor Guri som laga urte-remedier som meg og som sydde klede til og stelte med sine 7 born, dreiv gård med min oldefar og som vart lagt merke til for sin folkesang. Mi farmor Randi som arbeidde på televerket, som var med å ta initiativ til å starte første damehandballslag på Voss og som stod på dag og natt for familie etter ho ganske ung mista sin mann. Mamma som hadde 70% stilling på sjukehuset, for sånn var det for kvinner på sjukehuset, sjelden mogleg å få full stilling. Og mamma måtte, for å ha råd til å ta seg av oss tre jentene etter pappa døde 43 år gama, lage seg ei bunads- og handverksverksemd pluss lære å dyrke jordbær til sal for å overleve på garden som eg i dag driv med Vossabia. Og ho sydde det meste av våre klede gjennom vår barndom, og no syr og kreerer mi knalltøffe dotter Ylva og går slik i fotspora til si mormor som ho aldri fekk møte då mamma døde før ho vart 51. Dette er også Kvinnekamp og viktig historie. Det er ikkje langt tilbake i eige land før det var langt dårlegare kår. Og enno er det altså kun 29% kvinnelege gründarar. Og så er det i tillegg enormt mange andre endå viktigere saker ang kvinner som bør vere på dagsorden nasjonalt og internasjonalt helst 365 dagar i året! ❤️
