Gasan Rural Health Unit

19/08/2026

💉🌿 MATAGUMPAY NA MR-SIA AT VITAMIN A SUPPLEMENTATION SA BARANGAY ANTIPOLO! 🌿💉
Matagumpay na naisagawa ngayong araw ang Measles-Rubella Supplemental Immunization Activity (MR-SIA) sa Barangay Antipolo, bilang bahagi ng patuloy na pagsisikap na maprotektahan ang ating mga kabataan laban sa Measles at Rubella. ❤️
Kasabay nito, isinagawa rin ang Vitamin A supplementation para sa mga batang kabilang sa target beneficiaries. 🧡
Maraming salamat sa mga magulang at guardians na nagbigay ng kanilang suporta at tiwala, at higit sa lahat, sa ating mga batang nakilahok sa aktibidad. 👧👦
🤝 Taos-pusong pasasalamat din sa Barangay Antipolo officials, BHWs, BNS, at health team sa kanilang kooperasyon at walang-sawang pagtulong upang maging matagumpay ang programa.
Bakuna at Vitamin A para sa mas malusog, mas ligtas, at mas protektadong mga bata! 💚

18/08/2026

RABIES AWARENESS LECTURE ANTIPOLO 🐶🐱
Matagumpay na naisagawa kanina ang Rabies Awareness Lecture para sa mga Daycare Pupils ng Barangay Antipolo, kasama ang kanilang mga minamahal na magulang. ❤️
Ang talakayan ay pinangunahan ng ating masipag na PHN, Miss Monalyn Canay, na nagbahagi ng mahahalagang kaalaman tungkol sa rabies, tamang pag-iwas sa kagat ng hayop, wastong pangangalaga sa mga alagang hayop, at mga dapat gawin kapag nakagat o nakalmot.
Layunin ng aktibidad na maturuan ang mga bata at kanilang mga magulang na maging mas maingat, responsable, at handa upang maiwasan ang rabies at maprotektahan ang buong pamilya. 🏡💙
Maraming salamat sa ating mga Daycare Pupils, parents, Barangay Officials, BHWs, at lahat ng nakibahagi sa matagumpay na aktibidad! 👏
“Kaalaman at Tamang Aksyon, Susi sa Pag-iwas sa Rabies!” 🐾

15/08/2026

ALAMIN AT IWASAN ANG PARAGONIMIASIS! 🫁

Ang Paragonimiasis ay isang sakit na maaaring makaapekto sa baga. Upang makaiwas, ugaliing lutuing mabuti ang alimango at iba pang pagkaing maaaring pagmulan ng impeksiyon, panatilihin ang kalinisan, at magpakonsulta agad kung may mga sintomas tulad ng matagal na ubo o hirap sa paghinga.

💚 Kalusugan ay alagaan—Paragonimiasis ay iwasan!

15/08/2026

📢 PAANYAYA!
LIGTAS TIGDAS AT VITAMIN A SUPPLEMENTATION 💉🩺

Mga magulang at tagapag-alaga, inaanyayahan namin kayong dalhin ang inyong mga anak na edad 6–59 buwan para sa Ligtas Tigdas (Measles Vaccination) at Vitamin A Supplementation.

Ang pagbabakuna at Vitamin A ay mahalaga upang maprotektahan ang mga bata laban sa sakit, mapalakas ang kanilang resistensya, at mapanatili ang kanilang malusog na paglaki.

📅 Petsa: Agosto 17, 2026
🕗 Oras: 8:00 ng Umaga
📍 Lugar: Dili, Brgy. Hall

✅ Ligtas
✅ Epektibo
✅ Libre

Makilahok, magpabakuna, at magpa-Vitamin A para sa mas ligtas, mas malusog, at mas protektadong kinabukasan ng ating mga anak!

RHU

14/08/2026

MR/SIA sa Barangay Masiga

Matagumpay na naisagawa ang MR/SIA (Measles-Rubella Supplemental Immunization Activity) sa Barangay Masiga!

Maraming salamat sa lahat ng magulang at sa mga katuwang na health workers at barangay officials sa patuloy na pagsuporta para sa ligtas at malusog na mga bata.

Ligtas sa Tigdas at Rubella, Sama-sama nating protektahan ang bawat bata!

14/08/2026

Matagumpay na MR/SIA sa Barangay Bahi!

Isang malaking hakbang para sa mas ligtas at malusog na mga bata! Maraming salamat sa ating mga Barangay Officials, BHWs, health workers, at mga magulang sa kanilang suporta at pakikiisa. Sama-sama nating itaguyod ang Ligtas Tigdas, Ligtas Bata!

14/08/2026

14/08/2026

📅 AUGUST 14, 2026
📍 MR-SIA ACTIVITY | BARANGAY DAWIS

Maraming salamat po sa mga NANAY AT TATAY na nakiisa at nagdala ng kanilang mga anak para sa dagdag proteksyon laban sa TIGDAS AT RUBELLA! 👏🥰

Sa unang araw pa lamang, 87 NA BATA na ang nabakunahan! 💉✨

Sa mga batang 6–59 MONTHS na hindi pa nababakunahan, ABANGAN PO ANG SUSUNOD NA SCHEDULE NG MR-SIA SA BARANGAY DAWIS. ❤️

HUWAG PALAMPASIN ANG PAGKAKATAONG MAPROTEKTAHAN ANG ATING MGA ANAK! 👶💉

💗 BAKUNA PARA SA MAS LIGTAS AT MALUSOG NA KINABUKASAN!

KITA-KITS SA SUSUNOD NA SCHEDULE, MGA NANAY AT TATAY! 🥰💉❤️

12/08/2026

Tagumpay para sa Kalusugan ng mga Bata sa Barangay Mangiliol!!!

Matagumpay na naisagawa sa Barangay Mangiliol ang Measles-Rubella Supplemental Immunization Activity (MR/SIA) laban sa tigdas at rubella!
Ang matagumpay na gawaing ito ay bunga ng sama-samang pagkilos at dedikasyon ng bawat isa , maprotektahan ang mga anak laban sa mga sakit na maaaring maiwasan sa pamamagitan ng bakuna.
Taos-puso ang aming pasasalamat sa mga Barangay Officials, Barangay Health Workers (BHWs), PDOHO, Gasan Rural Health Unit (RHU), Health Resources for Health (HRH), at higit sa lahat sa Rural Health Midwife ng Barangay Mangiliol, Ms. Sairah M. Molato, sa kanyang walang-sawang serbisyo, pakikipagtulungan, at malasakit para maging maayos at matagumpay ang aktibidad na ito.

Sa bawat bakunang naibigay, isang hakbang ang nagawa natin tungo sa mas ligtas, mas malusog, at mas protektadong kinabukasan ng inyong mga anak.

Dahil ang bakuna ay proteksyon. Ang proteksyon ay pagmamahal. At ang kalusugan ng bawat bata ay responsibilidad nating lahat.

Mabuhay ang Barangay Mangiliol! Sama-sama para sa Ligtas na Bata, Ligtas na Komunidad!

10/08/2026

💉❤️ BAKUNA PARA SA PROTEKSYON! ❤️💉

Matagumpay na naisagawa ngayong Agosto 10, 2026 ang MR SIA Vaccination sa Barangay Bacong-Bacong, kahit maulan ang panahon. ☔👏

Layunin nito na maprotektahan ang ating mga anak laban sa tigdas, rubella, at iba pang posibleng komplikasyon. 👧👦🛡️

📣 PAALALA: Mayroon pang follow-up vaccination! Para sa schedule at karagdagang impormasyon, lumapit lamang sa inyong mga BHW. 🏥💉

Sama-sama nating protektahan ang kalusugan ng ating mga anak! 💗