港伴 HKCS

06/17/2026

香港人好需要溫柔

其實計計吓香港人市集都已經過咗一個月有多，宜家先寫感想係咪太遲？人嘅感覺有時就係咁得意，唔一定下下都要追求快嘅，之前都會好急住咁出感受，但係今次我就專登畀時間自己沉澱吓。

過咗咁耐，我最印象深刻嘅都係同咁多個參加者玩呢個打氣輪盤，當中嘅選項有誇誇群、溫柔讚美、一點甜、butterfly hug(雙手交叉拍打自己膊頭)、high five、記得飲水等等。好多朋友轉到誇誇群時，我哋會用盡力係10秒鐘內瘋狂咁稱讚面前嘅參加者，大家都會紅都面哂啦、好尷尬咁笑啦，有啲甚至會越行越開！雖然朋友間會互相拍片取笑對方，但事後問返大家，大家都會話感覺幾好，好少有人會咁樣讚自己，心情即刻好咗好多。真呀，大家都好努力生活，都好值得被看見同埋讚吓。

另外有一次，有一個小朋友轉到溫柔稱讚，佢本身無咩表情，亦無咩講嘢，點知佢一聽到姐姐 （即係我）話：多謝你好努力咁生活長大，知道你有時都好攰，希望你可以好好休息照顧自己。我見到佢塊面紅咗，眼睛仲有少少出汗，然後我起雞皮！我自己都覺得好感動！原來，好多人都好需要聽到呢啲睇落好簡短，但好重要嘅說話！

說話可以傷人，亦都可以慰藉心靈，我哋唔可以決定人哋講咩，但可以決定自己把口講啲咩，有時真係可能係一句說話，已經會改變一個人嘅世界。希望大家生活當中都可以多一份溫柔同善良，咁大家嘅生活都可以好過一點點。

#溫哥華 #港伴 #香港人 #情緒健康 #精神健康 #新移民 #溫哥華香港人 #移民生活 #港人社區 #心靈支援 #同行 #心理健康 #移居港人 #香港人市集 #情緒支援 #好好照顧自己

06/09/2026

香港人市集 —— 港伴打氣點滴 🎡

好開心每年「港伴」都可以參與香港人市集，喺市集入面推廣同心理健康（Mental Health）有關嘅活動同資訊！衷心感謝「香港屋」同埋各位義工嘅付出同努力，先可以成就呢個香港人社群一年一度嘅盛事！

今年港伴好幸運，可以喺一個好開揚嘅位置，一邊望住成個市集嘅熱鬧人流，一邊用「打氣輪盤」為大家加油！見到每一位玩輪盤、接受打氣嘅朋友，雖然有啲怕醜同尷尬，但塊面都充滿笑容。除咗喺市集為自己打氣之外，更期盼大家喺往後嘅日常生活中，每一日都識得為自己打打氣！

冇嚟到現場嘅朋友都唔緊要，我哋喺度同你分享幾個隨身嘅「自我打氣小貼士」：
💧 記得飲多杯水
🍬 請自己食粒糖，甜一甜
🦋 畀自己一個「蝴蝶抱抱」（Butterfly Hug）
✍🏼 寫一兩句字句鼓勵自己
👏🏼 拍拍手為自己打氣
🌟 讚一讚自己做過嘅好事
生活幾忙碌都好，都唔好忘記要好好愛錫同肯定自己呀～

除此之外，我哋亦邀請咗大家為自己過去一年嘅「幸福指數」評分。見到大部分朋友都畀咗 4-5 分（5分為滿分），我哋都為大家獲得呢份幸福感而感恩；同時，我哋亦想向評分較低嘅朋友，送上最誠摯嘅祝福。希望我哋送出嘅打氣字卡，可以為大家嘅生活帶嚟點點點綴同溫暖。

幸福唔係一個終點，而係一日一日累積出嚟嘅日常。希望大家都一齊好好細味生活帶俾我哋嘅甜酸苦辣呀！

再次多謝每一位嚟同我哋傾計、玩遊戲嘅你！如果你想繼續收到心理健康嘅資訊同小貼士，記得 Follow 我哋嘅 Page。等我哋繼續成為彼此生活中，最溫柔嘅後盾。💪🏼✨

05/09/2026

母親節對好多新移民家庭嚟講，未必只有慶祝，同時都可能勾起對香港家人、媽媽，甚至過去生活嘅思念。

今次有機會接受Omni TV訪問，分享新移民喺節日中常見嘅情緒反應，包括牽掛、內疚、孤單等嘅感覺。其實呢啲情緒都好真實，亦值得被理解。

我哋希望提醒大家： 思念並唔代表你軟弱，而係因為你曾經深深愛過、連繫過。❤️

如果你身邊有人喺節日特別掛念香港，或者情緒低落，或者你自己正經歷呢種心情，記得俾自己多一點溫柔，同身邊人保持連結。🫂

願每一位離鄉生活嘅香港人，都能夠喺異地慢慢建立屬於自己嘅支持與安穩。

訪問連結

https://youtu.be/4xF1Dy6AT_I?si=imVccRzTv5IIIKD4

#港伴 #母親節 #新移民 #香港人 #溫哥華香港人 #移民生活 #離散 #思鄉 #心理健康 #情緒健康 #精神健康 #溫哥華 #港人社區 #同行 #心靈支援 #臨床輔導 #廣東話

05/08/2026

港伴 x 溫室｜【靜靜讀：心理健康月】

漫長的凜冬，綿延的夜幕，刺骨的寒氣。

終於，迎來了終結。

溫暖的盛夏，和煦的陽光——這一切恍如隔世。

瞥向日曆，年輪又添一圈。

大家，過得還好嗎？

在異地的生活，每一步都走得不容易。

我們深知那些難以言說的重量，但也願每顆漂泊的心，都能在此刻獲得平靜。

五月初夏，適逢心理健康月。

港伴與溫室誠摯邀請你前來，暫且擱下心頭的大石。

在這裡，你可以：
• 感受 海傍微風的輕撫，讓思緒隨浪散去；
• 走進 文學與心理學的世界，在字裡人間對話；
• 分享 一本曾陪伴你度過低潮的書，或是一段你的感受；
• 凝視 眼前的風景，以畫筆記錄當下的人與事；
• 或者 什麼都不帶，只是純然地放空，享受安靜卻不孤單的當下。

沒有繁瑣的流程，沒有社交的壓力。

邀請你，與我們一起靜靜地感受初夏。

📆 日期： 2026年5月17日（星期日）
⏰ 時間： 下午 3 點至 5 點
📍 地點： New Brighton Park
(3201 New Brighton Rd, Vancouver, BC V5K 0A1)

💡 溫馨提示：
• 無需報名： 歡迎隨心 Drop-in，隨時加入或離開。
• 關於書籍： 溫室將提供少量讀本，亦建議自備喜愛的書籍作分享。
• 關於裝備： 建議自備地墊或小摺凳，讓我們在海風中坐得更舒服。
• 交通資訊：公園設有免費停車位。

#港伴 #移居港人 #溫哥華 #香港人 #精神健康 #大家睇咩書 #靜靜讀

05/03/2026

We are ready !!!! Come and visit us! booth #35

我哋準備好啦！

#香港人 #港伴 #溫哥華

05/03/2026

hkhouseofficial Hong Kong Fair聽日就係啦！
歡迎嚟到文創市集區嘅>>35號

04/25/2026

終於!!!! 又一年!!!!!! 港伴又可以係 HK House 香港人市集同大家見面啦!!

今年我哋準備咗幾樣好好玩嘅嘢同大家分享!

- 只有Good Vibes的免費幸運符
- 可以提供滿滿情緒價值嘅打氣輪盤
- Cross over draw_fromheart嘅交換故事：用你嘅故事交換一幅屬於你嘅作品

下星期日，5月3號，11點-7點，係北溫Shipyards見大家呀!

#港伴 #香港人市集 #北溫 #情緒支援 #香港人 #好好照顧自己 #移居港人 #溫哥華 #精神健康

03/07/2026

啱啱做完訪問嘅成員突然喺 Group 度大嗌：「弊傢伙！頭先訪問太緊張，一時口誤講錯咗嘢呀！😫」
​佢想喺度同大家澄清返：
真正嘅Light Therapy Lamp（光療燈）其實係冇 UV（紫外線）成分㗎！ 大家絕對唔使驚照完會變黑，或者會傷皮膚。
​
究竟點解要照呢盞「開心燈」？其實背後好有科學根據：
​​1. 背後嘅原理係咩？
透過模擬太陽光，刺激大腦調節血清素 (Serotonin) 同埋褪黑激素 (Melatonin)。簡單嚟講，就係幫你個腦「開機」，改善心情，踢走 SAD（季節性情緒失調）！

​2. 點樣用先有效呢？
- ​朝早照：起身 1 小時內照 20-30 分鐘最醒神。
​- 距離：放喺斜前方約 16-24 吋，唔使直望。
​- 唔使直望：有光線入到眼就得，唔好死盯住盞燈呀！
​
3. 亮度要求 (Lux)
記住要揀 10,000 Lux 嘅型號先最有效！如果 Lux 唔夠，效果就大打折扣喇。

希望以上嘅補充有助大家適應日照轉變對我哋身體嘅影響啦！

​ #光療 #自我關懷 #唔會曬黑 #情緒健康小知識 #港伴

03/06/2026

告別時差！最後一次較鐘 自我關懷小貼士 🕯️】
​係呀，你冇睇錯！我哋即將迎來最後一次轉夏令時間喇！以後終於唔使每年兩次喺度研究「係撥快定撥慢」😂。
​不過，雖然係最後一次，對身體嘅影響依然唔可以忽視。少咗一個鐘睡眠，可能會令你覺得攰、難集中，甚至心情有啲躁。呢幾日試吓咁樣照顧自己：
​調節睡眠節奏：唔好等到最後一刻先改，今晚開始早少少休息。
​食得清淡啲：俾腸胃休息吓，減少身體負擔。
​放低手機：瞓覺前一個鐘遠離螢幕，等大腦分泌多啲褪黑激素。
​俾啲耐心自己：如果呢兩日覺得做嘢手腳慢咗，唔好俾壓力自己，每個人都需要時間適應。
​大家準備好迎接呢個「歷史性時刻」未？留言話俾我哋知，當知道之後都唔使再較鐘嘅時候，你嘅心情係點？👇
​ #最後一次較鐘 #生理時鐘 #自我關懷 #情緒健康小貼士 #港伴

本周日將會是卑詩省民最後一次調整時制，進入夏令時間，原定11月的冬令時鐘轉換將會永久取消。民眾持不同意見，有專家就認為永久夏令時間，對身心健康有益處。

02/19/2026

點解港伴出Podcast咁大件事 無人講！？

係呀！！

我哋今次挑戰用心理學嘅角度去講啲juicy嘅愛情話題，希望大家聽得開心又學到嘢

第一集就分享咩叫做，原來係會「過期」?! 點樣嘅愛情先係「完美」嘅呢?!

快啲聽完同我哋分享畀身邊嘅親朋好友聽啦!

#香港人 #溫哥華 #港伴 #完美愛情 #精神健康