Lunes 10:00 - 13:00 Martes 10:00 - 13:00 Miércoles 10:00 - 13:00 Jueves 10:00 - 13:00 Viernes 10:00 - 13:00

AGAMFeC

Casa
España
Vigo
AGAMFeC

Asociación Galega de Medicina Familiar e Comunitaria A AGAMFEC busca sumar esforzos e ilusións.

A AGAMFEC é unha asociación médica científica e profesional, sen ánimo de lucro, que vela polo adecuado desenvolvemento da Medicina Familiar e Comunitaria en Galicia. É algo máis ca unha axencia prestadora de servicios ou que unha asociación defensora de intereses corporativos. Pretende reunir e representar a todo o colectivo médico de Atención Primaria e servir de canle para asumir a corresponsab

ilidade no proceso de mellora e modernización da nosa sanidade. A AGAMFEC quere xogar un papel fundamental no desenvolvemento da Medicina de Familia e Comunitaria e da Atención Primaria en Galicia, aglutinando aos especialistas en MFC e demais profesionais de Atención Primaria do noso país, e asumindo a súa defensa e representación. A AGAMFEC está dirixida por unha Xunta Directiva renovable cada dous anos. Articúlase en Seccións (Docencia, Investigación, PAPPS, Prensa e Relacións coa semFYC) e Grupos de Traballo, coa pretensión de canalizar a máxima participación dos seus asociados. A AGAMFEC está integrada na estructura federal da semFYC, sociedade que agrupa ás 17 sociedades autonómicas do estado, constituíndo a sociedade científica médica de maior actividade e implantación, chegando na actualidade (decembro do 2005) a reunir a máis de 17.000 profesionais de todo o estado español.

14/08/2026

📝 Dende o grupo de traballo PACAP de AGAMFEC (Programa de Actividades Comunitarias en Atención Primaria) queremos animarvos a asistir á nosa Xornada de saúde comunitaria: “Comunitaria sen escusas” en Lalín.
A xornada versará sobre ferramentas de Investigación-Acción Participativa (IAP), empezando cunha introdución común mediante unha dinámica de tertulia-café, para proceder despois aos talleres.
Pecharemos a mañá cun mapa de emocións e daremos paso ás actividades da tarde.
Nos Encontros e Xornadas do PACAP buscamos compartir coñecemento práctico e teórico sobre saúde comunitaria. As nosas metas principais son promover a participación cidadá, impulsar o traballo en rede entre diferentes profesionais da saúde e difundir ferramentas metodolóxicas de intervención comunitaria.
Esperámosvos!

+ Info en agamfec.com

19/06/2026

Invitámosvos a asistir á 103ª reunión da EGPRN en Santiago de Compostela entre o 22 e o 25 de outubro de 2026 co tema "O continuo da atención ao cancro ao longo da vida".

Data límite para o envío de resumos: 13 de xullo de 2026 improrrogable!

https://meeting.egprn.org/

10/06/2026

CURSO:
A ecocardioscopia converteuse nunha ferramenta de enorme utilidade para o médico/a de Atención Primaria, permitindo complementar a exploración física tradicional mediante a obtención e interpretación de imaxes ecográficas cardíacas básicas a pé de cama.
Este curso está deseñado para proporcionar os coñecementos e habilidades fundamentais necesarios para incorporar a ecocardioscopia á práctica clínica diaria, cun enfoque práctico e orientado á toma de decisións.
Actividade presencial en Santiago de Compostela (setembro 2026) que combina contidos teóricos esenciais con talleres prácticos supervisados, permitindo aos asistentes adquirir competencias básicas na obtención de imaxes e interpretación de achados relevantes.
+info en agamfec.com

08/06/2026

🎓 AGAMFEC estivo presente na III Conferencia de Académicos/as de AMFE (Academia de Medicina de Familia) os días 5 e 6 de xuño en Oviedo, nun encontro onde se reuniron profesionais referentes en docencia universitaria de Medicina Familiar e Comunitaria de toda España co obxectivo de dar a súa importancia á nosa especialidade nas Facultades de Medicina e fortalecer o seu papel na formación dos futuros médicos e médicas.

https://www.semfyc.es/semfyc/universidad-amfe/amfe

05/06/2026

📅 Día Mundial do Medio Ambiente: unha chamada á acción desde a Medicina Familiar e Comunitaria:

Desde o Grupo de Traballo de Saúde Planetaria de AGAMFEC,queremos lembrar que cada 5 de xuño celébrase o Día Mundial do Medio Ambiente, unha data que invita a reflexionar sobre a estreita relación existente entre a saúde humana e a saúde dos ecosistemas. Nos últimos anos, a evidencia científica consolidou unha idea que xa non admite discusión: a crise climática e a deterioración ambiental representan unha ameaza crecente para a saúde das poboacións e constitúen un dos maiores desafíos sanitarios do noso tempo.

As ondas de calor máis intensas e prolongadas, a contaminación atmosférica, os incendios forestais, a perda de biodiversidade, a escaseza de auga ou a expansión de vectores transmisores de enfermidades teñen repercusións directas sobre a morbimortalidad dos nosos pacientes.

As persoas maiores, os nenos, os pacientes con enfermidades crónicas, as persoas en situación de vulnerabilidade social e quen vive en contornas máis desfavorecidas son especialmente sensibles para estes efectos.

A Atención Primaria atópase nunha posición privilexiada para identificar e abordar estes riscos.

Podes ler o texto completo en agamfec.com

03/06/2026

Moitas grazas a tod@s pola vosa participación nas XXVIII XORNADAS AGAMFEC!

30/05/2026

O noso agradecemento a todo o Comité Científico e Organizador pola súa dedicación e o seu tempo de traballo e esforzo para organizar estas XXVIII Xornadas AGAMFEC na Coruña.
Grazas!!!

21/05/2026

⏳ ⏳ Últimos días para inscribirse nas XXVIII XORNADAS AGAMFEC de 29 e 30 de maio na Coruña.
Estas Xornadas, co lema “O desafio de seguir coidando”, son unha boa razón para que médicos e médicas de familia apaixonados pola atención primaria volvamos a estar xuntos.

📽️ Dentro das Xornadas podes asistir á proxección do documental “Expedición Mental”. Aberta ao público xeral con debate, un espazo de reflexión e diálogo arredor da saúde mental e da prevención do suicidio, desde unha perspectiva rigorosa, médica e social.

Esperámosvos na Coruña!

+Info e inscricións en agamfec.com

19/05/2026

19 de MAIO DÍA DA ATENCIÓN PRIMARIA
🩺 A Medicina Familiar e Comunitaria é clave para o presente e o futuro do sistema sanitario.
➡ Máis loncitudinalidade
➡ Máis capacidade resolutiva
➡ Máis proximidade
➡ Máid saúde comunitaria
A evidencia demostra que a continuidade asistencial salva vidas e mellora os resultados en saúde.
A MFeC non é unha especialidade “de mínimos”.
MFeC ao máximo.

Poder ler o comunicado completo en semfyc.es

18/05/2026

O 4 de maio na Aula do Centro de Simulación Clínica CSIS do Hospital Gil Casares integrantes do Grupo de Traballo de Urxencias de AGAMFEC, realizaron o curso CÓDIGOS de EMERXENCIAS SANITARIAS DO SERGAS dirixido a residentes e médicos especialistas en Medicina Familiar e Comunitaria e recoñecido como Acto de Interese Sanitario pola Consellería de Sanidade (Nº de expediente: SA301A 2026/8-1).
Despois da introdución teórica realizamos casos prácticos en maniquíes de simulación avanzada. Realizouse unha simulación completa da asistencia: prebriefing, establecemento de roles, diagnóstico, activación e coordinación coa Central do 061, tratamento e estabilización inicial do paciente, etc. Despois de cada caso houbo un debriefing no que participaba todo o grupo.
Tódolos asistentes participaron activamente nas simulacións clínicas e en tódolos debriefings onde se expuxeron e se resolveron dúbidas e cuestións respecto á actuación realizada polos compañeiros/as nun ambiente distendido e amable pero crítico e basado na evidencia.
Moitas grazas pola vosa participación!

agamfec.com

Dirección

Rúa Menéndez Pelayo 32-34
Vigo
36211

Horario de Apertura

Lunes	10:00 - 13:00
Martes	10:00 - 13:00
Miércoles	10:00 - 13:00
Jueves	10:00 - 13:00
Viernes	10:00 - 13:00

Página web

http://www.agamfec.com/

Notificaciones

Sé el primero en enterarse y déjanos enviarle un correo electrónico cuando AGAMFeC publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.