Healify Holistic Wellness

Healify Holistic Wellness Holistic Nutrition
(1)

24/11/2025

في سلسلة "بنات وهرمونات"
هنعرف إزي نظبط هرمونات بناتنا صح في بداية فترة الدورة.
لأن لما الهرمونات تبدأ صح من بدري، بتفضل مستقرة العمر كله.
استنّوني في الحلقات الجاية…
و اللي هنقول فيها كلام مهم هيجاوب على كل اسئلتكم .

17/11/2025

تعرفوا أن أكتر سؤال سألتوني عليه في ستات وهرمونات هو الهرمونات البديلة.
وفي الريل ده هقولكم كل حاجة عن الهرمونات البديلة والهرمونات البديلة الطبيعية كمان؛ لأنه موضوع مهم وشاغل بال كل واحدة فينا.
شوفوا الريل ولو عندكم أي أسئلة اكتبوا ليا في الكومنتات وهرد عليكم علطول.

13/11/2025

حقيقي السوشيال ميديا بتقربنا من بعض وبتساعدنا نلاقي إجابات لأسئلة كتير عندنا.
بس أوقات كتير بتكون فيه حاجات محتاجة أعرفها قبل ما أرد على الشخص اللي بعت ليّ الرسالة.
وفي الريل ده هقولكم ليه أوقات بتكون فيه أسئلة مش قادرة أرد عليها.



#تواصل #اسئلة #اجابات #ريلز #نصائح

10/11/2025

نقدر ننام كويس حتى مع لغبطة الهرمونات، لما نعمل شوية حاجات بسيطة قبل النوم تخلي جهازنا العصبي يفهم إنه خلاص كده. هو محتاج يرتاح شوية.
وفي الريل ده من "ستات وهرمونات" هقولكم إيه هي الحاجات دي.
بس أنتوا كمان قولوا لينا في الكومنتات بتعملوا إيه علشان تناموا كويس.



#أرق #مينوبوز #هرمونات

06/11/2025

طبعًا أول ما الشتا بيجي، كلنا بنروح نشرب سحلب علشان يدفينا.بس تخيلوا إن معظم السحلب في مصر مغشوش وعبارة عن شوية نشا وملهوش أي فائدة.
وعلشان كده في الريل ده هقولكم على كذا مشروب هيدفيكم ويديكم فائدة كمان.
ومش بس كده، فيهم واحد أنا متأكدة إن كلكم بتحبوه.
هستنى رأيكم في الكومنتات عن أنهي مشروب سخن هتجربوه الشتا ده.

#شتاء #سحلب #كوفي #صحتك #فايدة # cozyvibes

03/11/2025

فيتامين سي أشهر حاجة بتيجي على بالنا لما نفكر في الوقاية من أدوار البرد بتاعت الشتا.
بس الحقيقة فيه حاجات أهم بكتير بتساعد مناعتنا بصورة أكبر، وكلها موجودة عندنا في البيت وسهل إننا نعملها!
وفي الريل ده) هشرح لكم إزاي نحافظ ونقوي مناعتنا ونهرب من أدوار البرد السنة دي بطرق طبيعية وموجودة في كل بيت.
بس أنتوا كمان قولوا لنا في الكومنتات: إيه هي وصفتكم السرية اللي بتحافظوا بيها على مناعتكم في الشتا؟



#برد

29/10/2025

أنتي مش كئيبة ولا بتدلعي!
أنتي في فصل الخريف، اللي فيه النهار بيقصر وده بيأثر على مودك شوية.
بس حل الموضوع ده سهل لما تدخلي المشروم، عين الجمل، وطبعًا البيض وشوية حاجات تانية في أكلك، هتلاقي مودك اتحسن.
وفي الريل ده هقولك ليه تظبيط نظام أكلك في الخريف مهم جدًا لصحتك ومودك.
وافتكري كلامي ده كويس أووي، وأنتي بتشتري طلباتك من السوبر ماركت.




#خريف

16/10/2025

نعمل كارديو، ولا مقاومة، ولا بلاش فرهدة؟!
متحتاروش وشوفوا الريل ده من "ستات وهرمونات".
ود/ إنجي البحراوي هتوضح لينا إزاي نحافظ على كتلتنا العضلية بعد الأربعين.
والأهم قولولنا: يا ترى بدأتوا تمارين ولا لسه؟
#رياضة #كارديو #مقاومة #لياقة #تمارين #رشاقة #أرق #مينوبوز #هرمونات

13/10/2025

إنتي مش نكدية خالص، لو بتحسي إن مودك وحش بعد الأربعين، البروجستيرون هو السبب.
لأن مستواه بينزل، بس تقدري بخروجة حلوة مع أصحابك أو أكلة بطاطا سخنة تخليه يبقى مبسوط وسعيد.
وفي ريل النهاردة من "هرمونات وستات"، د/ إنجي البحراوي هتقولنا إزاي نضبط مودنا.
وانتوا كمان اكتبوا لينا في التعليقات، بتعملوا إيه علشان تطلعوا من المود الوحش.
#هرمونات #ستات #مزاج #سعادة #بروجستيرون
#أرق #مينوبوز #هرمونات

08/10/2025

تخيلوا أن الكرش اللي كتير مننا بيشتكي منه بعد الأربعين، حلّه سهل وبسيط مع الميكروبيوم، أو البكتيريا النافعة اللي وجودها في الجهاز الهضمي طلع له أكتر من فايدة، ومش كلهم ليهم علاقة بالجهاز الهضمي.
ود/ إنجي البحراوي في ريل النهاردة من "ستات وهرمونات"، هتقولنا على كل الفوايد دي.
وقولولنا في الكومنتات كنتم تعرفوا كام فايدة منهم.
#صحة #تغذية #ميكروبيوم #رشاقة


06/10/2025

بالليل، إنتي بس محتاجة شوية لب سوري، وكوباية ينسون أو كاموميل 🎶، وتسمعي موسيقى هادية… وهتنامي من غير أرق .
وهنا د/ إنجي البحراوي، في الحلقة دي من ستات وهرمونات، هتشرح لنا ليه بيجلنا أرق؟ والأهم إزاي نوقفه.
مستنيينكم تشاركونا بتعملوا إيه علشان تحسّنوا جودة نومكم.

#أرق #مينوبوز #هرمونات

Address

14 Of May Avenue , ElWatania Medical Complex Smouha
Alexandria
21523

Telephone

+201098880229

Website

Alerts

Be the first to know and let us send you an email when Healify Holistic Wellness posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Healify Holistic Wellness:

Shortcuts

Share

Category