07/05/2026
دايما ف اى مرجعية علمية هتلاقي دايما بيتقال ان العامل " النفسي " من اهم عوامل النجاح ومن اهم ادوات تحقيق الاهداف ! فيما يخص:
✅الوصول لوزن وشكل معين!
✅الوصول لقدرات بدنية معينة!
قصة انهاردة هي مثال واضح واكيد ع صحة المعلومة دي، وعاوز ابعت من خلالها رسايل للرياضيين واولياء الامور.
💯✅💯
البطل الجميل ال معايا ف الصورة كابتن ياسين هاني 2011 بطل مصر في السباحة، معرفة ما شاء الله ربنا يبارك تقريبا سنة ونص! ياسين اول مرة جالي كان عنده ضعف شديد ف وزنه وحجم عضلاته وكان عنده مشكلة بتحصل لرياضيين كتير انه كان وصل " للقمة والمكسب الكبير "
وبعدها حصله فترة تراجع!
⚠️‼️⚠️
بفضل الله ع مدار السنة ونص قدرنا نزيد ربنا يبارك حوالي 15 كجم من الوزن والعضلات، وقدرنا نوصل للمستوي ال يأهلنا ننزل ننافس ويكون عندنا فرص عالية للمكسب بامر الله! ودايما كان معاه اقوي دعم كامل من افضل اب وام ربنا يبارك فيهم!
💯💯💯💯💯
ع مدار الفترة دي قدرنا نحقق ميداليات ع مستوي المناطق والمدارس ولكن مكنش دا الهدف بتاع ياسين! كان دايما حاطت هدفه
" عاوز ارجع اجيب ميدالية ف الجمهورية ! واثبت نفسي ف الجمهورية "
‼️
كان دايما بيدخل العيادة حاسس جواه بحاجة مكتومة! وحاسس دايما بحاجة شغلاه باستمرار وان دماغه دايما شغالة وفيها افكار كتير!
كنا بنحقق نتايج قوية وجميلة ومُرضية ولكن بمعدلات معقولة مش اسرع حاجة! يعني تقدر تقول ان نتيجة الشهر الطبيعية 4 اسابيع ,,, بنحققها ف 6 او 7 اسابيع! بدل ما تتحقق ف 4 اسابيع!
‼️
بفضل الله ف بطولة الجمهورية ال فاتت قدرنا نحقق الهدف والحلم ال غايب عن ياسين بقاله فترة طويلة! وقدرنا نحقق ميدالية جمهورية وكنا قريبين جدا من تحقيق 3 ميداليات مش واحدة بس!
🌟🌟💪🏻🌟🌟
ال حصل ان من بعد البطولة دي ربنا يبارك ياسين بقي بيدخل العيادة بضحكة عريضة جميلة ,,, كانت مستخبية عننا سنة ونص
داخل عليا ربنا يبارك بطاقة واضحة وملموسة! اكن عينه بتتكلم واكنه انسان تاني! وع مستوي النتايج بفضل الله بقي يحقق نتيجة ال 4 اسابيع ف اسبوعين بس! وال كنا بناخد في تحقيقه شهر ونص شهرين حرفيا اتحقق ف اسبوعين ,,, ما شاء الله تبارك الله! وكل دا بسبب الهدوء والرضا النفسي!
‼️‼️🌟💯💯
وان شاء الله الجاي اقوي واحسن وياسين ان شاء الله مشروع بطل منتخب وبطل عالمي باذن الله!
💪🏻🫶🏻🤩💪🏻🫶🏻
الرسايل ال عاوز ابعتها للمجمتع الرياضي من قصة ياسين هي:-
🔻العامل النفسي مهم جدا! الدنيا مش جنة! وفيها فوق وتحت! حاول دايما تسيطر ع مشاعرك وتكون ف حالة ايجابية من التفكير والعقلية! بياثر ايجابيا ع كل اعضاء وهرمونات جسمك! والعكس صحيح!
🌟 لازم تفهم انك كرياضي ال ups & downs لازم بتحصل، انك تفضل تكسب ع طول دا صعب انه يحصل او تقدر تقول عليه شيء نادر او مستحيل! ولازم تفهم ان الخسارة ساعات بتعلم وبتطور وبتكبر اكتر من المكسب! متقفش ع الخسارة كتير ودوس واستمر يا وحش!
🔻لازم تفهموا كاولياء امور ان ابنك او بنتك ال بيقضي 4 و 5 ساعات تمرين ف اليوم دا حاجة كبيرة جدا! ومجرد التزامه وانتظامه بدا فدا ف حد ذاته بطولة ومكسب! وحاجة تحمد ربنا عليها وتقول يارب تفضل مستمرة!
🌟 لازم تحط النية دايما كرياضي انك بتاسس جسمك صحيا وبدنيا ونفسيا لدلوقتي وللمستقبل! انك بتعمل حاجة هتتسأل عليها قدام ربنا سبحانه وتعالي! حاجة مش بس هتفرق معاك انهاردة انت هتفضل بتستمع بيها طول حياتك بسبب انك اتاسست صح ف طفولتك ومراهقتك وشبابك!
🔻 لازم تحط النية كولي امر انك كدا بتربي وبتاسس وبتحمي ابنك من الفراغ ومن اصدقاء السوء ال هم اخطر حاجتين ع الانسان!
اوعي تضغط ع ابنك او بنتك عشان يجيب بطولة ولما ميجبش بطولة تاذيه بكلام او افعال! مجرد انك ربيت ابن او بنت رياضية واسستهم بدنيا ونفسيا
انت كدا بتعمل حاجة لابنك او بنتك ان شاء الله يفضلوا يدعولك بسببها طول حياتهم! وتبقي عملت اقوي استثمار ممكن لاولادك! عمرها ما كانت ولا هتكون مقتصرة ع الميدالية وبس!
اتمني الرسايل توصل لكل بيت رياضي ,,, وكل حد محتاجها
وربنا يبارك فيكم جميعا ويرزقنا واياكم التوفيق والسداد والرضا
والحمدلله رب العالمين ,,, والصلاة والسلام علي سيد المُرسلين
Dr Shivo - عاش العاش
